Անկախ այն հանգամանքից, թե հայերը որտեղ են հիմնավորվել, նրանք միշտ առաջին հերթին եկեղեցիներ եւ դպրոցներ են կառուցել: Այս մասին հոկտեմբերի 15-18-ը Երեւանում անցկացվող «Բալթիկից մինչեւ Սեւ ծով: Հայերը՝ մշակութային, տնտեսական եւ քաղաքական գործընթացներում» թեմայով միջազգային գիտաժողովում ասաց Հայաստանի կրթության եւ գիտության փոխնախարար Հովհաննես Հովհաննիսյանը:
Փոխնախարարի խոսքով՝ սրանք երկու կարեւորագույն կառույցներ են, որոնք եւ, ըստ էության, ապահովել են օտարության մեջ հայերի մշակութային, կրոնական եւ կրթական միասնությունը:
