Դիվանագետները մշտապես աջակցում են առաջնորդների հանդիպումներին: Այս մասին Երեւանում լրագրողների հետ զրույցում ասաց ԱՄՆ պետքարտուղարի Եվրոպայի եւ Եվրասիայի հարցերով փոխօգնական Ջորջ Քենթը՝ պատասխանելով Դոնալդ Թրամփի եւ ՀՀ վարչապետ Նիկոլ Փաշինյանի միջեւ հնարավոր հանդիպման մասին հարցին:
«Լինելով դիվանագետ՝ մենք մշտապես աջակցում ենք առաջնորդների միջեւ հանդիպումներին: Ես վստահ եմ, որ հանդիպում կլինի, սակայն չեմ կարող ասել՝ երբ եւ որտեղ»,- հայտարարեց Քենթը:
Նրա կարծիքով՝ այս թեման կներառվի Նիկոլ Փաշինյանի եւ ԱՄՆ նախագահի ազգային անվտանգության հարցերով խորհրդական Ջոն Բոլթոնի միջեւ բանակցությունների օրակարգում, որը շուտով Երեւան է այցելելու: