News
Լրահոս
News
Երեքշաբթի
Ապրիլ 23
Տեսնել լրահոսը

ԵԽԽՎ 25 անդամներ՝ Ռասմուս Վեսթերգաարդ Մաձենի գլխավորությամբ բանաձեւ են ներկայացրել, որում քննադատել են Ադրբեջանում մարդու իրավունքների խախտումները եւ կոռուպցիան: Այս մասին հայտնում է «Թուրան»-ը:

«Ադրբեջանում իրավիճակը չի փոխվել Laundromat-ի քննությունից մեկ տարի անց, որը բացահայտել էր կաշառելու բազմամիլիարդանոց սխեման, որն Ադրբեջանի իշխանություններն օգտագործել էին լոբբիստներին վճարելու եւ փողեր լվանալու համար: Չի սկսվել ոչ մի քրեական քննություն, ոչ ոք պատասխանատվության չի ենթարկվել:

Եվրոպային ցնցած պատմությունը Ադրբեջանում հանրային նշանակալի բանավեճեր չի առաջացրել, որտեղ ուժեղացող ավտորիտար ռեժիմի շնորհիվ քաղաքացիական հասարակության եւ անկախ լրագրության գործունեությունը գործնականում վերացել է:

Ադրբեջանում կոռուպցիան բացահայտող լրագրողներից մեկն է հայտնի բլոգեր եւ իրավապաշտպան Մեհման Հուսեյնովը: Այսօր նա ադրբեջանական բանտում երկու տարվա պատիժ է կրում անվանարկման մեղադրանքով: Նրա ընտանիքը ենթարկվել է ճնշումների, որը հանգեցրել է 2018 թվականի օգոստոսի 6-ին նրա մոր մահվանը:

Հուսեյնովը ռեժիմի բազմաթիվ զոհերից մեկն է, որ բանտարկվել է քաղաքական դրդապատճառներով: Համանման փաստեր են տեղ գտել նաեւ լրագրողներ Ավղան Մուխթարլիի, Հադիջա Իսմայիլովայի, ինչպես նաեւ հասարակական ակտիվիստ Ինթիգամ Ալիեւի եւ Իլգար Մամեդովի հետ: Չնայած ՄԻԵԴ եւ Եվրոպայի խորհրդի այլ մարմինների պահանջով նրանք ազատվել են, նրանց արգելված է երկրից հեռանալ: Խորհրդարանական վեհաժողովը պետք է Ադրբեջանի իշխանություններին պատասխանատվության ենթարկի իրենց կոռուպցիոն պրակտիկայի, Եվրոպայի խորհրդում ազդեցություն գնելու եւ մարդու իրավունքների լայնորեն տարածված խախտումները թաքցնելու փորձերի համար:

Դրանից բացի, Վեհաժողովը պետք է հրահանգի, որ Laundromat-ից ստացած Danske Bank-ի շահույթն ուղղվի Ադրբեջանում քաղաքացիական հասարակության աջակցությանը կոռուպցիայի դեմ պայքարում, Ադրբեջանում մարդու իրավունքների եւ ժողովրդավարության խրախուսմանը»,- նշված է բանաձեւում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵԽ-ն բավական կոշտ դիրքորոշում է զբաղեցնում Ադրբեջանում քաղբանտարկյալների հարցի վերաբերյալ. պատգամավոր
Պատգամավորի խոսքով՝ այդ հարցին են նվիրված եղել նաեւ ադրբեջանցի իրավապաշտպանների մասնկացությամբ լսումները...
ԵԽԽՎ-ն մեծ սպասելիքներ ունի Հայաստանից. Մարուքյան
ԵԽԽՎ-ն մեծ սպասելիքներ ունի Հայաստանից եւ նրա ղեկավարներից...
ԵԽԽՎ-ից մաքրվում է խավիարի հոտը. Հայաստանի պատվիրակության ղեկավար
ԵԽԽՎ-ն օդափոխվում է խավիարի հոտից...
Չգիտեմ, թե ինչու չեղարկեցին ԼԳԲՏ ֆորումը Երեւանում. վարչապետ
Հայաստանում գործում է օրենքի գերակայությունը, եւ բոլոր քաղաքացիները նույն իրավունքներն ունեն...
Առանց մեղադրական դատավճռի գույքի բռնագանձման ինստիտուտը պետք է կյանքի կոչվի ՀՀ-ում. Փաշինյան
Շատ օգտակար կլինի առանց մեղադրական դատավճռի գույքի բռնագանձման ինստիտուտի հարցում ԵԽ-ի հետ համագործակցություն...
Փաշինյանի ելույթը ԵԽԽՎ-ում թույլ էր. արտաքին քաղաքականությունը նրա աքիլեսյան գարշապարն է. Աշոտյան
Այս մարդը համառորեն չի հասկանում, որ «թավշյա» բռենդը դրսում այլեւս չի վաճառվում, եւ բացառապես դրա վրա կառուցել երկրի արտաքին եւ անվտանգայիմ քաղաքականությունը չի կարելի…