ՀՀ արտաքին գործերի նախարարի պաշտոնակատարը Զոհրաբ Մնացականյանը համաձայն չէ, որ ԼՂ բանակցությունները «սառեցված» են։

Այսօր՝ հոկտեմբերի 18-ին, լրագրողների հետ զրույցում նա պնդեց, որ բանակցությունները «սառեցված» չեն. «Ինչպե՞ս են սառած, բա՞ մեր հանդիպումները, 5 ամսվա մեջ այսքան զարգացումներ են եղել, դուք ասում եք սառացված են»։

Մնացականյանը պնդեց՝ դա գործընթաց է. «Մենք իմ գործընկերոջ՝ Ադրբեջանի արտաքին գործերի նախարարի հետ հանդիպել ենք 2 անգամ, վարչապետը հանդիպում է ունեցել Ադրբեջանի նախագահի հետ, սա գործընթաց է»,–նշեց նախարարի պաշտոնակատարը։ 

Հարցին՝ հնարավոր է համարո՞ւմ, որ բանակցությունների սեղանին կհայտնվեն «հող խաղաղության դիմաց» բանաձեւը, ինչպես նշեց ԱՄՆ դեսպան Ռիչարդ Միլսը, Մնացականյանը ասաց. «Չգիտեմ ձեր հարցին ինչպես պատասխանեմ»։