News
Լրահոս
News
Հինգշաբթի
Մայիս 23
Տեսնել լրահոսը

2014-ից ի վեր Ֆիլիպիններից Երևան եկող զբոսաշրջիկների թիվը 674-ից հասել է 22,000-ի, իսկ ոմանք էլ մշտական բնակություն են հաստատում այստեղ: Այս մասին Al Jazeera-ում գրում է Մեգան Լակոբինի դե Ֆազիոն:  

Facebook-ում Filipino Community in Erevan City խումբն ունի շուրջ 1300 անդամ: Մոսկվայում Ֆիլիպինների դեսպանատան տվյալներով` վերջին տարիներին առնվազն 300 ֆիլիպինցիներ մշտական բնակություն են հաստատել մայրաքաղաք Երևանում:

Հեղինակը գրում է, որ Հայաստան այցելող ֆիլիպինցիների մեծ մասն արտագնա աշխատողներ են ԱՄԷ-ում, Կատարում, Բահրեյնում, Քուվեյթում և Սաուդյան Արաբիայում: Պարսից ծոցի երկրներում գործող օրենքների համաձայն` նրանք հաճախ պարտավորվում են երկրից դուրս գալ: Եվ եթե նախինում նրանք պարզապես հատում էին սահմանը և նույն օրը վերադառնում, ապա այժմ շատերն օգտվում են այս հնարավորությունից:

Հեղինակը պատմում է 29-ամյա Էդուարդ Ռիգորի մասին, որը տուրիստական խմբի կազմում այցելել է Հայաստան: Նրանք այցելել են մի շարք հին հայկական եկեղեցիներ և ապա նաև Հայաստանի բարձրադիր գոտիներ: «Նախկինում մենք գնում էինք Իրան կամ Օման, սակայն հետո տեղեկացանք, որ վիզայի փոփոխությունների հետեվանքով կարելի է գնալ Հայաստան զբոսանքի, ինչը հոյակապ հնարավորություն է ֆիլիպինցիների համար, ովքեր երբեք ձյուն չեն տեսել», - ասել է Էդուարդը:

Հոդվածում պատմվում է նաև Երևանի փողոցներից մեկում գործող Little Manila իջևանատան մասին, որը հիմնականում հյուրընկալում է ֆիլիպինցի այցելուների: Իջևանատան տիրոջ` Ռենատո Մարիլագի կինը վերջերս լույս աշխարհ է բերել նրանց դստերը` Միային:

«Նա առաջին հայ-ֆիլիպինցի երեխան է: Ուզում եմ, որ նա այստեղ մեծանա և խոսի հայերեն: Գիտեմ, որ նրան այստեղ դուր կգա», - ասել է Մարիլագը: Նա ԱՄԷ-ում էր աշխատում, երբ առաջին անգամ լսեց Հայաստանի մասին: Ըստ նրա, այժմ Պարսից Ծոցի բոլոր ֆիլիպինցիներն արդեն ճանաչում են Հայաստանը: Կնոջ եղբոր հորդորով` Մարիլագը եկել է Հայաստան` բիզնես հիմնելու նպատակով:

«Դուբայի համեմատ` կյանքի որակն այստեղ շատ բարձր է: Աշխատավարձը ցածր է, սակայն արժե այստեղ լինել. եղանակը լավն է, իսկ մարդիկ հաճելի են։ Քրիստոնյա լինելը շատ կարևոր է մեզ համար. ահա թե ինչու ֆիլիպինցիները բաց չեն թողնում պատմական եկեղեցիներ այցելելու հնարավորությունը: Դա գրեթե առաջին բանն է, որ հետաքրքրում է մարդկանց»,- ասում է նա:

Հեղինակի խոսքով, սակայն, առաջին բանը, որ մարդկանց այստեղ է բերում, եկեղեցիները չեն: Little Manila-ի այցելուների թիվը հատկապես ավելանում է ձմռանը, երբ այստեղ առատ ձյուն է գալիս: «Դեկտեմբերին մենք ավելի քան 300 ֆիլիպինցի հյուրեր ենք ունենում, որոնք ցանկանում են ձյուն տեսնել և ճերմակ Սուրբ Ծունդ նշել: Տարվա մեջ ամենաշատ պատվիրվող ուղևորությունները Արագած լեռան զբոսանքներն են, քանի որ այնտեղ միշտ ձյուն կա», - պատմում  է նա:

Տպել
Կարդացեք նաև
Ամբողջը
Ամստերդամում մահճակալի հարկ կմտցվի զբոսաշրջիկների համար
Մահճակալի հարկը կկազմի երեք եվրո...
Իտալիայում անձրեւի պատճառով փչացած հանգստի համար զբոսաշրջիկներին փոխհատուցում կվճարեն
Նախաձեռնությունը կոչվում է #ElbaNoRain...
Երեք արջեր՝ հայկական տարբերակով. Ծուռթաթերի ընտանիքին բնություն են բաց թողել անմիջապես զբոսաշրջային երթուղում
«Այն ինչ արել է հիմնադրամը այլ կերպ, քան անհեթեթ եւ ոչ գրարգետ քայլ, չես անվանի...
Թաիլանդում ամենահայտնի ծովածոցը կարող է 2 տարով փակվել զբոսաշրջիկների համար
2018 թվականի հունիսից լողափը փակ է տեղանքի կորալների վերականգնմանն ուղղված ծրագրի շրջանակներում…
Նյու Յորքի զբոսաշրջիկներին այլեւս չի թույլատրվում ձեռք բերել մասնավոր տուրեր դեպի Ազատության Արձանը
Մասնագետների գնահատմամբ՝ այդ տարածքում աշխատում են հիմնականում 250 զբոսավարներ 28 լեզուներով…
Հայաստանում Ֆրանսիայի դեսպանությունում ներկայացրել են երկրի հիմնական զբոսաշրջային ուղղությունները
Կորոտկովան մանրամասն ներկայացրել է Ֆրանսիայի տեսարժան վայրերը եւ հետաքրքիր զբոսաշրջային ուղղությունները․․․