Հայաստանի գործադիր իշխանությունը համապատասխան գնահատականներ չտվեց ԱՄՆ նախագահի ազգային անվտանգության հարցերով խորհրդական Ջոն Բոլթոնի եւ Հայաստանում իր լիազորություններն ավարտող ԱՄՆ դեսպան Ռիչարդ Միլսի հայտարարություններին: Այս մասին հոկտեմբերի 31-ին լրագրողների հետ հանդիպման ժամանակ հայտարարեց Հայաստանի Ազգային ժողովի արտաքին հարաբերությունների մշտական հանձնաժողովի նախագահ, հայկական պատվիրակության ղեկավար Արմեն Աշոտյանը:
Նրա խոսքով, ղարաբաղյան հիմնախնդիրը չի կարող կարգավորվել հայտարարություններով, տարբեր հռչակագրեր, բանաձեւեր, ԵԱՀԿ Մինսկի խմբի համանախագահների մամուլի հաղորդագրություններ եւ հակամարտող կողմերի ղեկավարների պաշտոնական հայտարարություններ ստորագրելով:
«Այս ամենը հստակ քաղաքական իրավիճակ է ստեղծում, քաղաքական շրջանակներ, որոնց շրջանակներում հնարավոր է լուծել տվյալ խնդիրը: Հետեւաբար Եվրախորհրդարանի քաղաքական գնահատականները տվյալ դեպքում շատ կարեւոր են, որպեսզի հետագայում հնարավոր լինի վկայակոչել այդ փաստաթղթերը», -պարզաբանեց Աշոտյանը՝ հավելելով, որ հայ դիվանագետները պետք է այս հարցով հայկական կողմի դիրքորոշման հստակ հիմնավորման հնարավորություն ունենան:
Խոսելով Բոլթոնի Հայաստան այցի մասին, Աշոտյանը նկատեց, որ Հարավային Կովկասն ԱՄՆ-ի համար որեւէ հատուկ արժեք չի ներկայացնում:
Պատգամավորի խոսքով, այս տարածաշրջանը Ամերիկայի եւ Ռուսաստանի կողմից դիտվում է Մերձավոր Արեւելքի `Սիրիայի եւ Իրանի անիմիջական հարեւանության տեսանկյունից:
«Եվ Ռուսաստանը եւ ԱՄՆ-ն փորձում են ամրապնդել իրենց քաղաքական կապիտալը այս տարածաշրջանում, ավելացնել իրենց ազդեցությունը` իրենց ապագա նպատակները իրականացնելու համար », - ասաց պատգամավորը:
