Պակիստանի Գերագույն դատարանը չեղարկել է քրիստոնյա կնոջ աստվածանարգության համար մահապատիժը՝ առաջացնելով իսլամիստների բողոքն ու սպառնալիքը, հաղորդում է Reuters-ը:
Ազիա Բիբին, չորս երեխաների մայրը, 2010-ից մահապարտների բանտախցում է: Նա դարձել է առաջին կինը, որը աստվածանարգության համար մահապատժի է դատապարտվել: Այս օրենքը բազմաթիվ քննադատներ շատ դաժան են համարում, պնդելով, որ այն հաճախ չարաշահում են:
Կինը դատապարտվել է իսլամի մասին իբրեւ թե նվաստացուցիչ նկատողություններ անելու համար այն ժամանակ, երբ հարեւանները թույլ չեն տվել, որ նա խմի իրենց բաժակից, քանի որ նա մուսուլման չէ: Բիբին իրեն մեղավոր չի ճանաչել:
Այս դեպքը վրդովվեցրել է ողջ աշխարհի քրիստոնյաներին եւ Պակիստանի ներսում հասարակությունների պառակտման պատաճառ դարձել, որտեղ Բիբիին օգնել փորձող երկու պաշտոնյաները սպանվել են:
Դատավորը դատավճիռը հրապարակելով, հայտարարել է, որ հանդուրժողականությունը իսլամի հիմնական սկզբունքն է, նշելով, որ կրոնը դատապարտում է անարդարությունը եւ ճնշումը: