Հայաստանի վարչապետի պաշտոնակատար Նիկոլ Փաշինյանը եւ Արցախի նախագահ Բակո Սահակյանը այսօր՝ նոյեմբերի 4-ին, այցելել են հանրապետության արեւելյան սահմանագծի մի շարք հատվածներ, տեղում ծանոթացել զինվորների ծառայության ընթացքին եւ տիրող իրավիճակին: Այս մասին NEWS.am-ին տեղեկացնում են ԱՀ աշխատակազմի տեղեկատվության գլխավոր վարչությունից:

Հայկական երկու հանրապետությունների ղեկավարներին ուղեկցում էին ԱՀ պաշտպանության նախարար Լեւոն Մնացականյանը, ՀՀ ազգային անվտանգության ծառայության տնօրեն Արթուր Վանեցյանը, պաշտոնատար այլ անձինք: