Ես ընտրություններին կմասնակցեմ ռեյտինգային ցուցակով, բայց կցանկանայի շարունակել աշխատել իմ պաշտոնում: Այս մասին նոյեմբերի 7-ին՝ Ազգային ժողովում լրագրողների հետ զրույցում, ասաց առողջապահության նախարարի պաշտոնակատար Արսեն Թորոսյանը:
Նա նշեց, որ պատրաստ է շարունակել աշխատել առողջապահության նախարարի պաշտոնում, բայց վերջնական որոշումը կկայացնի ապագա վարչապետը:
«Նոր նշանակումների հարցը կքննարկվի խորհրդարանական ընտրություններից եւ կառավարության ձեւավորումից հետո», - պարզաբանեց Թորոսյանը:
Նա նաեւ հաղորդեց, որ ռեյտինգային ցուցակով կառաջադրվի Նորք-Մարաշ, Կենտրոն, Էրեբունի եւ Նուբարաշեն համայնքներից, իսկ նախընտրական քարոզարշավին կներկայացնի կուսակցության մոտեցումները եւ ծրագրերը, ինչպես նաեւ իր գլխավորած ոլորտի փոփոխությունները:
Բացի դրանից, Թորոսյանը հայտարարեց, որ վարչական ռեսուրսների օգտագործում չի լինելու, եւ նույնիսկ ավելին, նա չի պատրաստվում կաշառք ստանալու միջոցով ձայներ հավաքել:
Նախարարի պաշտոնակատարը նաեւ ընդգծեց, որ նախարարների առաջադրման մասին որոշումը «Քաղաքացիական պայմանագիր» կուսակցության քաղաքական որոշումն է՝ ձայներ ներգրավելու համար, իսկ ընտրություններից հետո որոշվելու է, թե որ ոլորտում նրանք ներգրավված կլինեն՝ օրենսդիր կամ գործադիր իշխանությունում:
Հիշեցնենք, որ Հայաստանում արտահերթ խորհրդարանական ընտրությունները տեղի կունենան դեկտեմբերի 9-ին: