Իսրայելական ոստիկանությունը ավարտել է Գերմանիայից սուզանավերի գնման ժամանակ կոռուպցիայի գործի քննությունը եւ խորհուրդ է տալիս մեղադրանք ներկայացնել Իսրայելի վարչապետի անձնական փաստաբանին եւ երկրի ռազմածովային ուժերի նախկին հրամանատարին։ Այս մասին ասված է իրավապահ մարմինների հայտարարության մեջ՝ տեղեկացնում է ՌԻԱ Նովոստին։
Ինքը՝ Բենիամին Նեթանյահուն, այսպես կոչված, «գործ 3000»-ով կասկածյալ չի ճանաչվել, սակայն պատասխանել է քննիչների հարցերին։
«Իսրայելի ոստիկանությունն ավարտել է «գործ 3000»-ի հետաքննությունը․․․ Այն վերաբերում էր կոռուպցիայի, խարդախության, վստահության չարաշահման , փողերի լվացման եւ այլ իրավախախտումների մեջ կասկածանքներին։ Դրանք կատարվել են պետական ծառայողների փոխհարաբերությունների համակարգի շրջանակներում․․․ կապված Իսրայելի Պետության համար գերմանական ThyssenKrupp ընկերությունից սուզանավերի գնման հետ»,- ասվում է մամուլի հաղորդագրությունում։
Ոստիկանությունը հաստատում է, որ վեց հոգու մեղադրանք առաջադրելու համար բավական ապացույցներ է հավաքել։ Այս ամենի հետ մեկտեղ, նրանց վերագրվում է նաեւ խոշոր չափի կաշառք վերցնելը։