ՀՀԿ-ի կանանց կառույցի ղեկավար Հերմինե Նաղդալյանի փոխարեն ընտրվել է ԱԺ պատգամավոր Կարինե Աճեմյանը, իսկ երիտասարդական կառույցի ղեկավար Կարեն Ավագյանի փոխարեն ընտրվել է ՀՀԿ քաղաքական դպրոցի տնօրեն Հայկ Մամիջանյանը։ Այս մասին, այսօր՝ նոյեմբերի 11-ին, ՀՀԿ խորհրդի նիստից հետո լրագրողների հետ զրույցում նշեց պաշտպանության նախկին նախարար Վիգեն Սարգսյանը՝ հավելելով, որ փոփոխությունները կապված են նրա հետ, որ կարիք կար նոր մոտեցումների։
Վիգեն Սարգսյանը ողջունելի համարեց ՀՀ վարչապետի պաշտոնակատար Նիկոլ Փաշինյանի հայտարարությունը, թե պետք է կազմակերպել բանավեճեր կուսակցությունների ցուցակների առաջին համարների մակարդակով։
«Բանավեճի անպայման պետք է գնալ եւ կաեւոր է բովանդակությունը, ձեւական բանավեճերը կարող են վնասել գործընթացին։ Մեր ավանդույթներում այդ ֆորմատը ցավոք չի եղել, ուրախ եմ, որ կառավարությունը ունի այս մոտեցումը»,-ասաց նա։
