News
Լրահոս
News
Ուրբաթ
Մայիս 24
Տեսնել լրահոսը


ՀՀԿ–ն մահացել է, ՀՀԿ–ն մերժված է՝ ղեկավար Սերժ Սարգսյանի գլխավորությամբ։ Այս մասին NEWS.am–ի հետ հարցազրույցում ասաց ՀՀ ԱԺ «Ելք» խմբակցության պատգամավոր Ալեն Սիմոնյանը։

Հանրապետական կուսակցությունը, նրա խոսքով, ընդդիմության հետ կապ չունի. «Ռեւանշիստների հավաքածու են, որոնք ասելիք չունեն Հայաստանի ժողովրդին եւ փորձում են ջրի երեսին մնալ»։

ՀՀԿ–ի մասին խոսելը, ըստ նրա, դեռ արդիական է, քանի որ Հանրապետականները դեռ Աժ–ում են, բայց վստահ է, որ ընտրողը քաղաքական պատմության գիրկը կուղարկի այդ խոսակցությունները։

Ալեն Սիմոնյանը տարածքային ցուցակով առաջադրվելու է Կենտրոն, Էրեբունի, Նուբարաշեն համայնքներն ընդգրկող ընտրատարածքում։ Այնտեղ ՀՀԿ–ից առաջադրվելու են Արմեն Աշոտյանը, Դավիթ Շահնազարյանը։ Ալեն Սիմոնյանը ՀՀԿ–ականներին մրցակից չի համարում. «Ավելի շատ իմ գործընկերներն են ձայն տանելու՝ Դավիթ Սանասարյանը, Արսեն Թորոսյանը»։

Մալաթիա–Սեբաստիա համայնքում «Իմ քայլի» թեկնածուները Սամվել Ալեքսանյանից քվեների ակնկալիք չունեն։ Վստահ են, որ ժողովուրդն, առանց այդ էլ, իրենց սատարում է։

«Լուսավոր Հայաստան», «Հանրապետություն» կուսակցություններին գրպանային ընդդիմություն համարողների հետ Ալեն Սիմոնյանը համաձայն չէ. «Իրենք լուրջ քաղաքական գործիչներ են, ճանապարհ անցած, ի՞նչ է նշանակում գրպանային։ Շատ լավ ընդդիմություն կլինեն եւ շատ լավ կներկայացնեն այն մարդկանց խնդիրները, որոնք մեզ չեն ընտրի»։ 

ԲՀԿ–ին եւս Սիմոնյանը ընդդիմություն է համարում։

Ալեն Սիմոնյանի անունը արդեն փակցված է որոշ ավտոմեքենաների ապակիներին։ «Մեկը իմ կինն է, ուրախ եմ, դա իր սիրո արտահայտությունն է»,–ասաց նա։

Քարոզարշավը, նրա խոսքով, կլինի կարճ, արագ, որտեղ կամրագրվեն հեղափոխության արդյունքները։

Հարցազրույցի մանրամասները՝ տեսանյութում։

Տպել
Կարդացեք նաև
Ամբողջը
Գագիկ Հարությունյանի եղբայրը հրաժարական է տվել ԱԱԾ տնօրենի տեղակալի պաշտոնից. ArmLur.am
ՀՀ ԱԱԾ տնօրենի տեղակալ, գեներալ-լեյտենանտ Արզուման Գարուշի Հարությունյանը ...
«Խորհուրդ կտամ պարոն Իոաննիսյանին՝ հանգիստ նստի տեղը». Վանեցյանը մեղադրեց նրան պատվեր կատարելու մեջ
Սկզբում նշում էին, որ վերջապես վերափոխվեց ԱԱԾ-ն, հետո ինչ-որ պահից ինչ-ինչ հանգամանքներից ելնելով, ինչ-որ մի տեղից պատվեր ստանալուց հետո պարոն Իոաննիսյանը սկսեց սուտ լուրեր տարածել, որի տակ ոչ մի հիմք չկա...
Գագիկ Հարությունյանը բացատրել է՝ ինչու է հրաժարականի դիմում ներկայացրել
Տարիներով կուտակված ասելիքս կներկայացնեմ...
«Հրապարակ». Երեկվա հանրահավաքին մասնակցեց այնքան մարդ, որքան ՀՅԴ անդամներն են
Հանրահավաքի ելույթներում ՀՅԴ-ականները խիստ քննադատության ենթարկեցին...
«Ժողովուրդ». «Մինչեւ իշխանության հստակ քայլերն ու հաստատակամությունը չերեւա, որեւէ դատավոր հրաժարական չի տալու»
Միաժամանակ, Մանուկյանի համար արդեն ծիծաղելի է...
«Հրապարակ». Մերժվածը. ԱԽՔ Արմեն Գրիգորյանի այցն ԱՄՆ չափազանց անհաջող է եղել
Նույն այն Բոլթոնը, ով Երեւանում հրաժարվել էր Գրիգորյանի հետ տետ ա տետ հանդիպումից...