Կանադական Նյուֆաունդլենդի պատմության մեջ Husky Energy պլատֆորմում տեղի է ունեցել նավթի խոշորագույն շելֆային արտահոսք, որի ծավալը SeaRose պլատֆորմի շրջանում գնահատվում է 250 հազար լիտր, հայտնում է Canadian Press-ը:
Նահանգի ճյուղային կարգավորողը հայտարարել է ստուգումներ անցկացնելու նպատակով շրջանի շելֆում բոլոր պլատֆորմները ժամանակավորապես փակելու մասին:
Վթարը տեղի է ունեցել ուրբաթ՝ ուժեղ փոթորկի ֆոնին, երբ ընկերության աշխատակիցները հայտնել են ստորջրյա խողովակատարում ճնշման անկման մասին: Կատարվում է պատահարի պատճառների քննություն եւ շրջակա միջավայրի վրա վթարի ազդեցության մոնիթորինգ: Գործակալության տեղեկություններով՝ նկատվել են նավթով աղտոտված 4 թռչուններ:
Տեղեկությունների համաձայն՝ նավթի արտահոսքը ներկայումս դադարել է: