News
Լրահոս
News
Երկուշաբթի
Հուլիս 06
USD
483.84
EUR
543.3
RUB
6.81
ME-USD
0.02
Տեսնել լրահոսը


Եթե դեկտեմբերի 6-ին կայանալիք ՀԱՊԿ գագաթնաժողովում կոնսենսուս չլինի, մենք կշարունակենք աշխատանքը կոնսենսուսի հասնելու ուղսղությամբ, որովհետեւ ՀԱՊԿ-ում որոշումները կայացվում են կոնսենսուսով: Այս մասին, այսօր՝ նոյեմբերի 20-ին, մամուլի ասուլիսի ժամանակ հայտարարեց ՀՀ վարչապետի պաշտոնակատար Նիկոլ Փաշինյանը՝ անդրադառնալով ՀԱՊԿ գլխավոր քարտուղարի ընտրության հարցում ՀԱՊԿ-ում ստեղծված իրավիճակին:

Հարցին, թե արդյոք սպասվում է հայկական կողմի պատասխանը Բելառուսի ԱԳՆ խոսնակին, որը  հայտարարել էր, թե Նիկոլ Փաշինյանն իրեն միջազգային դատախազի տեղ է դրել, ՀՀ վարչապետի պաշտոնակատարն ասաց. «Բելառուսի ԱԳՆ խոսնակի պատասխանին հայկական կողմից արձագանք եղել է: Ես ինքս, ինչ ունեմ ասելու, բարձրաձայնել եմ: Այս հարցում իմ զրուցակիցը անձամբ Բելառուսի նախագահն է, որից այս պահի դրությամբ արձագանք չեմ ստացել: Ես ինչ ասել եմ, շարունակում եմ պնդել եւ որեւէ կասկած չկա, որ այն, ինչ ասել եմ, դա տեղի կունենա: Այսինքն ես պարզաբանումներ կպահանջեմ տեղի ունեցածի եւ մի շարք այլ գործընթացների վերաբերյալ: Դա նորություն չէ, նախկինում էլ դա տեղի ունեցել է եւ այս գործելակերպը կշարունակվի:

Համենայնդեպս, մենք չենք պատրաստվում լռության մատնել Հայաստանի շահերին առնչվող որեւէ հարց, պատրաստվում ենք հետեւողականորեն, նաեւ գործընկերության միջավայրում պաշտպանել ՀՀ ազգային շահերը»:

Դիտարկմանը, որ այդ «փոխհրաձգությունից» հետո Բելառուսի եւ Ադրբեջանի միջեւ ռազմական հուշագիր է ստորագրվել, հնարավո՞ր է, որ դա Բելառուսի պատասխանն էր Հայաստանին, Փաշինյանն արձագանքեց.

«Երեք ամիս առաջ պայմանագիր ստորագրվել էր հայտնի «Պոլոնեզների »մասով, որի հետ կապված պայմանագիրը ստորագրվել էր շատ ավելի վաղ: Այդ ամենը տեղի էր ունեցել մի պայմաններում, երբ ՀՀ ներկայացուցիչը ՀԱՊԿ գլխավոր քարտուղարի պաշտոնն էր զբաղեցնում: Իհարկե մեր դիրքորոշումը շատ հստակ է, մենք դատապարտում ենք այդ գործարքները, համարում ենք դրան ուղղված են ՀՀ շահերի դեմ, դրանք խաթարում են ՀԱՊԿ գործընկերության բովանդակությունը:

Ինչպես ասել եմ նախկինում, այս փուլի կարեւոր  խնդիրներից մեկը հետեւյալն է, որ մենք փոխադարձաբար պետք է պարզաբանումներ ունենանք երկրներից յուրաքանչյուրի համար պետք է պարզ լինի, թե ինչ պարտավորություններ ունի ամեն մի դաշնակցի նկատմամբ, ինչ պարտավորություններ ունեն մեկը մյուսի նկատմամբ, կազմակերպության նկատմամբ եւ կազմակերպությունն ինչ պարտավորություններ ունի երկրների նկատմամբ: Մենք մեր պարտավորությունները դաշնակցային կատարում ենք, ինչը ցավոք, չենք կարող պնդել մի շարք այլ գործընկերների պայմաններում»:

Նիկոլ Փաշինյանը նաեւ հավելեց, որ Հայաստանի խնդիրն է ունենալ այդ հստակեցումները, նոր բովանդակություն հաղորդել ՀԱՊԿ-ին, փոխադարձ հարաբերությունները եւ պարտավորությունները ճշտելու եւ փոխադարձաբար կանխատեսելի ու պարզ փոխհարաբերություններ վարելու համար:

Հիշեցնենք, որ ՀԱՊԿ գլխավոր քարտուղար Յուրի Խաչատուրովն ազատվել է զբաղեցրած պաշտոնից նոյեմբերի 2–ին։

Նոյեմբերի 8-ին Աստանայում տեղի ունեցած ՀԱՊԿ ղեկավարների հանդիպումից հետո Բելառուսի նախագահ Ա. Լուկաշենկոն հանդիպել էր Ադրբեջանի դեսպանի հետ, ինչից հետո ՀՀ վարչապետի պաշտոնակատար Նիկոլ Փաշինյանը հայտարարել էր, թե Լուկաշենկոն պետք է բացատրություններ տա այդ քայլը կատարելու համար: Դրան ի պատասխան՝ Բելառուսի ԱԳՆ-ն հայտարարել է, որ «Փաշինյանը հավանաբար իրեն միջազգային դատախազի տեղ է դրել»:

ՀԱՊԿ-ի հերթական նիստը տեղի կունենա դեկտեմբերի 6-ին Սանկտ Պետերբուրգում, որտեղ որոշում կկայացվի կազմակերպության գլխավոր քարտուղարի թեկնածության վերաբերյալ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ակնկալում եմ Ադրբեջանի այդ գործողությունների դատապարտումը. Արարատ Միրզոյանը՝ ՀԱՊԿ ԽՎ խորհրդի նիստին
Համավարակի դեմ պայքարը պետք է ժողովուրդների հաշտեցման հնարավորություն դառնա. կարծում եմ՝ բոլորս համաձայն ենք ՄԱԿ-ի գլխավոր քարտուղարի այս մտքի հետ...
ՀԱՊԿ ԽՎ խորհուրդը հունիսի 15-ին նիստ կանցկացնի տեսակոնֆերանսի ռեժիմով
ՀԱՊԿ ԽՎ խորհրդի նիստին կմասնակցեն ՀԱՊԿ անդամ պետությունների՝ Հայաստանի, Բելառուսի, Ղազախստանի, Ղրղզստանի, Ռուսաստանի Դաշնություն եւ Տաջիկստանի խորհրդարանական պատվիրակությունների ղեկավարները...
ՀԱՊԿ նիստում Մնացականյանը անդրադարձել է խախտումներով անցկացված ադրբեջանական զորավարժություններին
Մենք կտրականապես բացառում ենք ուժի կամ ուժի սպառնալիքի կիրառումը և…
Առանձին ​​պետությունները նույնպես հետաքրքրություն են ցուցաբերում ՀԱՊԿ-ի հետ համագործակցության նկատմամբ. Լավրով
«Սերբիան ակտիվորեն համագործակցում է ՀԱՊԿ-ի հետ, մասնակցում է ՀԱՊԿ Խորհրդարանական վեհաժողովի աշխատանքներին եւ առանձին զորավարժություններին...
ՌԴ-ի եւ ՀՀ-ի հարաբերությունները դաշնակցային բնույթ են կրում, այդ թվում՝ ՀԱՊԿ-ի շրջանակներում. Լավրով
«Հարաբերությունները մենք որպես դաշնակցային ենք գնահատում, դրանք հենց այդպիսին են...
Ստանիսլավ Զաս. օրակարգում է ՄԱԿ-ի գործողություններին ՀԱՊԿ խաղաղապահ պոտենցիալի ներգրավումը
Ամենաշատ