Մի քանի հազար բաժանորդների մոտ կապի խափանումները սկսվել էին Ավշարի գյուղապետարանի տարածքում տեղադրված բազային կայանի հոսանքազրկման պատճառով։ Ինչպես ավելի վաղ հայտնել էր NEWS.am–ը, դա տեղի էր ունեցել կողմերի միջև տարածքի վարձակալության պայմանագրի ավարտից հետո։

Հավաստի աղբյուրների համաձայն, այժմ գյուղապետարանի և Beeline-ի միջև ընթանում են պայմանագրի երկարաձգման շուրջ բանակցություններ։ Բանակցություններին ներգրավվել է նաև ՀՀ տարածքային կառավարման նախարարությունը։

Համաձայն մեր աղբյուրների, ներկա պահին կողմերի միջև ձեռք է բերվել համաձայնություն, ըստ որի կապը ժամանակավորապես վերականգնվել է՝ որպեսզի բանակցությունների ընթացքում բաժանորդները զրկված չլինեն կապից և ինտերնետից։