News
Լրահոս
News
Երկուշաբթի
Դեկտեմբեր 10
Տեսնել լրահոսը

«Հ2» հեռուստաընկերությունը ֆինանսավորվում է Սամվել Մայրապետյանի անձնական միջոցներից և դրա վերաբերյալ նախաքննական մարմնին  բավարար փաստաթղթեր ենք ներկայացրել։ Այս մասին NEWS.am–ի հետ զրույցում ասաց Մայրապետյանի պաշտպան Կարեն Բատիկյանը՝ արձագանքելով ՀՀ վարչապետի պաշտոնակատար Նիկոլ Փաշինյանի հայտարարությանը։

Նշենք, որ այսօր՝ նոյեմբերի 20–ին վարչապետի պաշտոնակատարը լրատվամիջոցների ներկայացուցիչների հետ հանդիպմանն ասել էր, որ լրատվամիջոցի հաշիվների վրա կալանք դնելու վերաբերյալ տեղեկությունն իրականությանը չի համապատասխանում։

«Կալանք դրված է, որպես մեղադրյալ ներգրավված անձի հաշիվների վրա։ Շատ ցավում եմ, որ ընդհանրապես նման պրակտիկա կա, որ կալանքի տակ են վերցնում,  բայց դա նաև օրինականության հաստատման ճանապարհին անխուսափելի բան է»,- ասել էր Փաշինյանը։

Մայրապետյանի պաշտպանը նշեց, որ իրենք երբեք չեն ասել, որ Հ2 հեռուստաընկերության հաշիվների վրա կալանք է դրված։

«Ի սկզբանե ասել էինք, որ Մայրապետյանի անձնական հաշիվների վրա է կալանք դրված, ինչը խանգարում է, որ լրատվամիջոցը ֆինանսավորվի։ Փաստաթղթեր ենք  ներկայացվել, որ մինչև հոկտեմբերի վերջ Մայրապետյանի անձնական հաշիվներից 73 մլն դրամ է փոխանցվել լրատվամիջոցին, որը, սակայն վնասով է աշխատել»,–ասաց նա։

Անդրադառնալով Փաշինյանի այն հայտարարությանը, թե գործի  վերաբերյալ հրապարակային նյութերը հիմք են տալիս ասելու, թե  գործով  կարող ենք առնչվել շատ խոշոր կոռուպցիոն խաչմերուկի հետ, պաշտպանը պատասխանեց։

«Ես այս գործով նախաքննության գաղտնիք չհրապարակելու մասին ստորագրություն եմ տվել և գործի մանրամասները չեմ կարող հրապարակել և դատողություններ անել»։

Հիշեցնենք, որ Սամվել Մայրապետյանը կալանավորվել է հոկտեմբերի 9–ին  Երևան քաղաքի ընդհանուր իրավասության դատարանի դատավոր Աննա Մաթևոսյանի որոշմամբ։ Մայրապետյանին մեղադրանք է առաջադրվել ՀՀ ՔՕ 38-311 հոդվածի հատկանիշներով (կաշառք ստանալուն օժանդակելը):

Տպել
Կարդացեք նաև
Ամբողջը
ԶԼՄ-ներին զերծ պահեք ոստիկանական ապօրինի գործողություններից. ՀԿ-ների հայտարարությունը
Միեւնույն ժամանակ, մենք արձանագրել ենք, որ նախընտրական ժամանակաշրջանում՝ դեկտեմբերի 7-ին...
Ոստիկանությունից կպահանջվեն պարզաբանումներ՝ կապված «News.am» լրատվական գործակալության հետ․ ՄԻՊ
Լրատվամիջոցների ու լրագրողների մասնագիտական աշխատանքի, նրանց գործունեությանը ցանկացած տեսակի միջամտության հետ կապված հարցերը․․․
Ի՞նչ է Ոստիկանությունը պահանջում NEWS.am–ից. գործակալության հայտարարությունը
Ոստիկանության աշխատակիցը հայտնել է նաև, որ սա իր վերջին այցը չէ, և այսուհետ պարբերաբար տարբեր հրապարակումների հետ կապված այցելելու են խմբագրություն...
Նյու Յորքում CNN-ի գրասենյակում պայթուցիկ սարք չի հայտնաբերվել
CNN հեռուստաալիքը հայտնել է, որ ոստիկանությունն իր նյույորքյան բաժանմունքում ռումբ չի հայտնաբերել…
CNN-ի աշխատակիցներին ուղիղ եթերում տարհանել են ռումբի մասին տեղեկության պատճառով
Մարդկանց տարհանել են Time Warner Center շենքից, որտեղ տեղակայված է CNN հեռուստաալիքի բյուրոն…
NYT․ Հունգարիային ԶԼՄ-ներում ճգնաժամի պատճառով կարող են զրկել ԵՄ-ում ձայնի իրավունքից
Հունգարիայի վարչապետ Վիկտոր Օրբանը վերահսկողության տակ է առել երկրի ԶԼՄ-ների մեծ մասը․․․
Partner news