ԵՄ-ի համար հիմնական ներքին սպառնալիքն այժմ այն եվրոպական քաղաքական գործիչներն են, ովքեր կարծում են, որ լիբերալ արժեքների ժամանակն անցել է։ Այս մասին հայտարարել է Եվրահանձնաժողովի փոխնախագահ Յուրկի Կատեյնեն՝ տեղեկացնում է ՌԻԱ Նովոստին։
Կատեյնեն սպասում է, որ դա կդառնա «Եվրախորհրդարանի նախընտրական քարոզարշավի հիմնական թեման»։ Ընտրությունները կանցկացվեն 2019թ․ մայիսին։
«Ճիշտ չէր լինի մտածել, որ խոսքը սովորական պոպուլիզմի մասին է, դա սովորական պոպուլիզմ չէ, քանի որ կան մարդիկ, ովքեր կարծում են, որ լիբերալ ժողովրդավարությունը վերջացել է»,- հայտարարել է եվրահանձնակատարը, հիշատակելով մասնավորապես Հունգարիային։
