«Իմ քայլը» դաշինքը այսօր՝ նոյեմբերի 25-ին, ներկայացնում է իր նախընտրական ծրագիրը եւ դրամահավաք է անցկացնում։ Միջոցառմանը ներկա է ՀՀ վարչապետի պաշտոնակատար,  «Իմ քայլը» դաշինքի ցուցակը գլխավորող Նիկոլ Փաշինյանը  եւ պատգամավորության թեկնածուները։

Ավելի վաղ ՀՀ վարչապետի պաշտոնակատար Նիկոլ Փաշինյանը իր ֆեյսբուքյան ուղիղ եթերով հայտնել էր,որ  «Իմ քայլը» դաշինքի թեկնածուները վաղը ժամը 11.00-ին լինելու են Թալինի համայնքապետարանի հարակից հրապարակում, 13.30՝ Մարալիկի համայնքապետարանի հարակից հրապարակում, 15.00՝ Արթիկի կենտրոնական հրապարակում, 17.00-ին՝ Գյումրիի Վարդանանց հրապարակում:

Փաշինյանը նաեւ տեղեկացրել է վաղվանից արձակուրդի է մեկնում, որպեսզի անձամբ մասնակցի քարոզարշավին։

Նշենք, որ ԱԺ արտահերթ ընտրությունները կկայանան դեկտեմբերի 9-ին, ընտրություններին մասնակցում է 11 կուսակցություն եւ կուսակցությունների դաշինք։