Հայաստանն իր հարաբերությունները պետք է խորացնի արեւմտյան կառույցների, այդ թվում՝ ՆԱՏՕ-ի հետ: Այս մասին նոյեմբերի 28-ին Գյումրիում նախընտրական քարոզարշավի ժամանակ հայտարարել է «Հանրապետություն» կուսակցության ղեկավար, «Մենք» դաշինքի նախընտրական ցուցակը գլխավորող Արամ Սարգսյանը:
«Մենք պետք է դիվերսիֆիկացնենք մեր արտաքին քաղաքական հարաբերությունները, ՆԱՏՕ-ի հետ համագործակցությունը խորացնենք: Ադրբեջանական անօդաչուները խփելու համար պետք է գիտելիքներ ունենալ, որոնք կարելի ստանալ միայն ՆԱՏՕ-ի երկրներում»,- նշել է նա:
Արամ Սարգվսյանը հավելել է, որ եթե Հայաստանը շարունակի արտաքին քաղաքականության նախկին կուրսը, ապա կարելի է նամակ գրել Պուտինին եւ խնդրել Հայաստանը դարձնել իր մարզերից մեկը:
Հիշեցնենք, որ ընթացիկ տարվա դեկտեմբերի 9-ին Հայաստանում կանցկացվեն արտահերթ խորհրդարանական ընտրություններ: