ՀՀ վարչապետի պաշտոնակատար Նիկոլ Փաշինյանի գլխավորած կառավարությունն այսօր՝ նոյեմբերի 29-ին, նիստ է անցկացնում: Նիստի օրակարգում ընդգրկված է 44 հարց, որից 31-ը՝ չզեկուցվող, 6-ը՝ գաղտնի:
Օրակարգում է մասնավորապես, Շարքային կազմի պարտադիր զինվորական ծառայության 2018 թվականի զորակոչ հայտարարելու եւ զորացրում կատարելու մասին, Շիրակի մարզի Աշոցքի համայնքի ղեկավարի արտահերթ ընտրություն նշանակելու եւ անցկացնելու մասին, Շիրակի եւ Լոռու մարզերում աշխատանքային օրը տեղափոխելու մասին, «Հայաստանի եւ Բուլղարիայի կառավարությունների միջեւ գաղտնի տեղեկատվության փոխադարձաբար պաշտպանության եւ փոխանակման մասին» համաձայնագիրը հաստատելու մասին» ՀՀ նախագահի հրամանագրի նախագծի մասին եւ այլ հարցեր:
Նշենք, որ վարչապետի պաշտոնակատար Նիկոլ Փաշինյանը գտնվում է արձակուրդում եւ նիստը վարում է առաջին փոխվարչապետ Արարատ Միրզոյանը:
