Դեռ «Ելք» դաշինքի ծրագրում, որը համատեղ ուժերով էր կազմվել, հստակ ֆիքսված էր, որ ԵՏՄ-ին Հայաստանի անդամակցությունը քաղաքական սխալ էր, որը բացասաբար է անդրադարձել տնտեսության եւ երկրի անվտանգության ապահովման հարցում: Այս մասին NEWS.am-ին ասաց «Լուսավոր Հայաստան» կուսակցության ղեկավար Էդմոն Մարուքյանը:
Հարցին՝ արդյոք «Լուսավոր Հայաստանը» «Իմ քայլը» դաշինքի՝ վարչապետի պաշտոնակատար Նիկոլ Փաշինյանի նկատմամաբ ընդդիմադիր կլինի, որն իշխանության գալուց հետո, փաստացի հրաժարվել է իր նախկին հատարարություններց եւ այժմ կողմ է ԵՏՄ-ում երկրի անդամակցությանը, կուսակցության ղեկավարն ասաց.
«Մենք հիմնավորել ենք մեր դիրքորոշումը եւ ներկայացրել էինք ԵՏՄ-ից Հայաստանի դուրս գալու գործընթացի մեկնարկի մասին մեր նախաձեռնությունը, որը մերժվեց նախորդ խորհրդարանի կողմից: Սակայն մեզ հաջողվեց այս հարցի վերաբերյալկ լսումներ անցկացնել եւ բարձրացնել այն խնդիրները, որոնք կային այդ կազմակերպությունում եւ նրա անդամակցության պատճառով: Սակայն հեղափոխությունից հետո մի իրավիճակ ստեղծվեց, երբ մենք իշխանություն ունեցանք, որը կարող է իր գործընկերների հետ ինչպես հավասարը հավասարի հետ խոսել: Այսինքն սա օրինական իշխանություն է, ինչը շատ կարեւոր է արտասհմանում մեր խնդիրների հնչեցման տեսանկյունմից:
Արեւմտամետ քաղաքական գործիչը կարծիք հայտնեց, որ Հայաստանը պետք է լուծի բոլոր խնդիրները Եվրասիական միության հետ՝ միեւնույն ժամանակ շեշտելով, որ եթե այս ուղղությամբ ջանքերը չհաջողվեն, ապա նրանք կրկին կվերադառնան իրենց նախկին դիրքորոշմանը:
«Լուսավոր Հայաստան» կուսակցության նախագահն ընդգծեց, որ այժմ Հայաստանը այլընտրանք ունի Եվրամիության հետ լիարժեք ընդլայնված համագործակցության ձեւով, ինչը նախկինում չկար: «Մենք պնդում ենք, եւ սա, ի դեպ, ամրագրված է մեր ծրագրում, որ Հայաստանը պետք է ավելի բարձր մակարդակի հարաբերություններ ունենա ԵՄ հետ, քանի որ կա մեծ չօգտագործված ներուժ: Ավելին, այդ հարաբերությունները պետք է հասնեն ռազմավարական մակարդակի», - բացատրեց նա:
Էդմոն Մարուքյանը հավաստիացրեց, որ եթե Հայաստանի նոր իշխանությունները որոշեն, որ հանրապետությունը պետք է շարունակի անդամակցել ԵՏՄ-ին, նույնիսկ ի վնաս պետական շահերին, նրանք հանդես կգան որպես ընդդիմախոսներ եւ կպահանջեն համապատասխան միջոցներ ձեռնարկել այդ կազմակերպությունից երկրի դուրս գալու համար:
