ԱՄՆ ռազմաօդային ուժերը Լիբիայում «Ալ Քաիդան իսլամական Մահրիբի երկրներում» (AQIM) խմբավորման ահաբեկիչներին հարված են հասցրել՝ ոչնչացնելով առնվազն 11 զինյալի եւ 3 ավտոմեքենա։ Այս մասին հայտարարել է ԱՄՆ զինված ուժերի Աֆրիկյան հրամանատարությունը՝ տեղեկացնում է «Ամերիկայի ձայնը»։
Լիբիայի Էլ Ուվեյնաթ շրջանում թիրախային ավիահարված է հասցվել։ Ըստ զինվորականների՝ քաղաքացիական բնակչության շրջանում զոհեր չկան։
Սա ԱՄՆ-ի կողմից AQIM խմբավորմանը հասցված երրորդ հարվածն է Լիբիայում։ Հունիսին նման հարվածի արդյունքում մեկ ահաբեկիչ էր սպանվել։