2018 թվականին Ռուսաստանի եւ Հայաստանի միջեւ ապրանքաշրջանառության ոլորտում 2017 թվականի համեմատ աճի տեմպերի որոշ անկում է նկատվում: Դեկտեմբերի 5-ին մամուլի ասուլիսի ժամանակ այս մասին հայտարարեց Ռուսաստանի առեւտրային ներկայացուցիչ Անդրեյ Բաբկոն:
Նրա խոսքով՝ աճի տեմպը դանդաղել է մինչեւ 14,9 տոկոս՝ անցյալ տարվա 24 տոկոսի համեմատությամբ: «Չնայած դրան, ապրանքաշրջանառության մակարդակը, միեւնույն է, բարձր է, քան 5 տարի առաջ՝ հունվար-հոկտեմբերին կազմելով մոտ 1,6 մլրդ: Այսպիսով, Ռուսաստանը պահպանում է Հայաստանի հետ արտահանման-ներմուծման մեջ առաջնությունը: Առեւտրային ներկայացուցիչը նաեւ հայտնեց, որ ապրանքաշրջանառության կառուցվածքը գործնականում տարեցտարի չի փոխվում:
Ռուսաստանից ներմուծում են սննդամթերք, գյուղմթերք, հանքային արտադրանքներ, մեքենաներ, սարքավորումներ: Կրճատվել է թանկարժեք քարերի եւ մետաղների արտահանումը: Հայաստանից Ռուսաստան են արտահանում սննդամթերք, հանքահումք, քիմիական արտադրանք: