Ձնահյուսի տակ մնացած զինծառայողի որոնումները շարունակվում են: Զանգվածային որոնողական աշխատանքներ են կատարվում: Այս մասին NEWS.am-ին հայտնեց Հայաստանի ԶՈՒ Գլխավոր շտաբի տեղեկատվական բաժնի ղեկավար Սամվել Ասատրյանը:
«Ձնահյուսի տակ զինծառայողների խումբ է հայտնվել: Բոլորը, բացի մեկից, հայտնաբերվել են, նրանց վիճակը մտավախություն չի առաջացնում: Մնացած մեկ զինծառայողի որոնումները շարունակվում են», - հաղորդեց Ասատրյանը: Նրա խոսքով, չորսի վիճակը նորմալ է, նրանք անգամ մասնակցում են ծառայակցի որոնումներին: Նշենք, որ որոնումն իրականացվում է բջջային հեռախոսի ազդանշանի պելենգի միջոցով:
Ավելի վաղ հաղորդվել էր, որ դեպքը տեղի է ունեցել դեկտեմբերի 5-ին Սիսիանի շրջանում: