Գելափի հարցումներն անցկացվել են մոտ 5 օր առաջ, բայց նաեւ կա Ամերիկյան հանրապետական ինստիտուտի հարցումը, որով մենք երկրորդ տեղում ենք: Այս մասին, այսօր՝ դեկտեմբերի 6-ին, լրագրողների հետ զրույցում նշել է «Լուսավոր Հայաստան» կուսակցության ցուցակը գլխավորող Էդմոն Մանուքյանը՝ անդրադառնալով «GALLUP International association»-ի Հայաստանում անդամ Էմ Փի ՋԻ ՍՊԸ-ի կողմից հրապարակված հարցման արդյունքներին, ըստ որի «Լուսավոր Հայաստանը» երրորդ տեղում է՝ 3,8 տոկոս ձայնով:
«Եթե համարենք, որ Գելափի հարցումը ճիշտ է, եւ մենք երրորդ տեղում ենք, նշանակում է, որ ՀՀ քաղաքացին անելիք ունի, դա տագնապ է ՀՀ քաղաքացիների համար: Հիմա պետք է արագացնել, պետք է տեմպ տալ: Ես հիմա ուղերձ եմ հղում ՀՀ քաղաքացուն, որ ամեն ինչ անի, որ «Լուսավոր Հայաստանը» լինի երկրորդը նոր քաղաքական համակարգում»,-ասաց Մարուքյանը:
Նա կարծիք հայտնեց, որ չեն կարող մեծ դերակատարում ունենալ այն ուժերը, որոնք ՀՀԿ-ի հետ հավասար պատասխանատվություն են կրել, որոնք ապրիլի 17-ին ընտրել են Սերժ Սարգսյանին, որոնք հոկտեմբերի 2-ին փորձել են սաբոտաժ անել:
«Քաղաքական համակարգը չի կարող կայանալ, եթե մենք ունենանք այնպիսի համակարգ, որտեղ շահերի բախում կլինի, որտեղ բիզնես շահեր կլինեն, գործարարներ կլինեն: Ես կարծում եմ, որ նոր Հայաստանում գործարարները որեւէ մոտիվացիա չպետք է ունենան հայտնվելու խորհրդարանում: Այլեւս գործարարները չպետք էգան խորհրդարան, որ իրենք իրենց պաշտպանեն»,-ասաց նա:
«Իմ քայլը» կստանա 69,4 տոկոս, ԲՀԿ-ն՝ 5,7 տոկոս, «Լուսավոր Հայաստանը»՝ 3,8 տոկոս. Gallup-ի հարցումը