CNN հեռուստաալիքը հայտնել է, որ ոստիկանությունն իր նյույորքյան բաժանմունքում ռումբ չի հայտնաբերել, որի գրասենյակի աշխատակիցներն ավելի վաղ տարհանվել էին ականապատման մասին տեղեկություն ստանալուց հետո, փոխանցում է «Ինտերֆաքսը»:
CNN-ի կայքում հաղորդվել էր, որ հինգշաբթի տեղական ժամանակով 22:30-ին զանգ էին ստացել շենքում ռումբի տեղադրման մասին: Տարհանումն իրականացվել էր արտահերթ կարգով, մեկ ժամ հետո հեռուստաալիքը եթեր էր մտել Skype-ի միջոցով:
Դրա հետ մեկտեղ, շենքը, որտեղ գտնվում է գրասենյակը, շրջապատվել էր ոստիկանության կողմից, հարակից փողոցներում դադարեցվել էր ավտոտրանսպորտի եւ հետիոտնի երթեւեկությունը, հայտնել էր քաղաքային ոստիկանությունը:
CNN-ի գրասենյակը հոկտեմբերին արդեն տարհանել էին, երբ այնտեղ հայտնաբերվել էր պայթուցիկ սարքով փաթեթ, որն ուղարկվել էր փոստով: