News
Լրահոս
News
Հինգշաբթի
Դեկտեմբեր 13
Տեսնել լրահոսը

Մայրաքաղաքի բնակիչներին հուզող խնդիրներին ծանոթանալու եւ բարձրացված հարցերին արագ արձագանքելու նպատակով Երեւանի քաղաքապետարանում բնակիչներին ընդունել են փոխքաղաքապետեր Հայկ Սարգսյանը, Սերգեյ Հարությունյանը եւ Երեւանի գլխավոր ճարտարապետ Արթուր Մեսչյանը:

Քաղաքապետարանից NEWS.am-ին հայտնում են, որ եկամուտների հաշվառման եւ գանձման, գնումների ու ֆինանսական ոլորտները համակարգող Երեւանի քաղաքապետի տեղակալ Հայկ Սարգսյանն առանձնացրել է այն հիմնական ուղղությունները, որոնցով հնարավոր է լուծումներ տալ բարձրացվող խնդիրներին: Որոշ հարցեր տեղում ստացել են պարզաբանումներ ու պատասխաններ:

Կարեւորելով քաղաքացիների հետ մշտական կապի ապահովումը՝ առողջապահության, առեւտրի եւ սպասարկումների, արտաքին ձեւավորման ու գովազդի ոլորտները համակարգող փոխքաղաքապետ Սերգեյ Հարությունյանն ըստ ոլորտների ներկայացրել է քաղաքապետարանի մոտեցումներն ու վստահեցրել, որ բնակչի որեւէ հարց անպատասխան չի մնալու:

Երեւանի գլխավոր ճարտարապետի մոտ քաղաքացիներն ընդունելության էին եկել քաղաքաշինական ու շինթույլտվությունների տրամադրման խնդիրներով: Արթուր Մեսչյանը մեկ անգամ եւս ընդգծել է, որ ապօրինի շինարարության ու հողազավթումների հանդեպ քաղաքապետարանի վերաբերմունքը հստակ է. այլեւս դրանք չեն օրինականացվելու: Միեւնույն ժամանակ Երեւանի գլխավոր ճարտարապետը նշել է, որ քաղաքապետարանը լինելու է բնակիչների գործընկերն ու սատարողը՝ օրինական ճանապարհով շինարարություն կատարելու գործում:

Քաղաքացիների ընդունելությունները կրելու են պարբերական բնույթ:

!
Այս նյութը հասանելի է նաև   Русский
Տպել
Partner news