ՀՀ Ազգային ժողովի արտահերթ ընտրությունների քվեարկության նախորդ օրվա դրությամբ ընտրողների ընդհանուր թիվը 2․573․779 է:
Այս մասին NEWS.am-ը տեղեկանում է ՀՀ ոստիկանության լրատվության և հասարակայնության հետ կապերի վարչությունից։
Տեղամասային ընտրական հանձնաժողովի անդամների թիվը` 12.549 է, ՀՀ-ում հաշվառում չունեցող ընտրողների թիվը` 206, ընտրական տեղամասեր գործուղվող ոստիկանության ծառայողների թիվը՝ 480, և ստացիոնար բուժում իրականացնող բժշկական հաստատությունում գտնվող ընտրողների թիվը` 844 է:
Ըստ ՀՀ ընտրական օրենսգրքի 8-րդ հոդվածի 7-րդ մասի՝ Ազգային ժողովի ընտրությունների նախորդ օրը, լիազոր մարմինը հրապարակում է ՀՀ ընտրողների ռեգիստրում ընդգրկված ընտրողների ընդհանուր թիվը:
Հիշեցնենք՝ 2017-ի խորհրդարանական ընտրություններին ընտրողների թիվը եղել է 2,564,195:
