News
Լրահոս
News
Երկուշաբթի
Մայիս 20
Տեսնել լրահոսը

ԵՊՀ-ին առընթեր ֆիզիկամաթեմատիկական դպրոցի 12-րդ դասարանի աշակերտ Ալեքսանդր Ասրիյանը ստեղծել է  աշխարհում ամենաբարձր ՕԳԳ-ով Գաուսի թնդանոթը՝  էլեկտրամագնիսական արագացուցիչը: 17-ամյա գյուտարարի հետ զրուցել է «Արմենպրեսը»։

«Գաուսի թնդանոթը էլեկտրամագնիսական արագացուցիչ է: Այն փամփուշտը արագացնելու համար օգտագործում է միայն էլեկտրամագնիսական դաշտ: Գաուսի թնդանոթը կարող է կիրառություն գտնել տարբեր ոլորտներում: Առաջին հերթին այն կհեշտացնի տիեզերք տիեզերանավեր ուղարկելը: Սկզբնական արագացման համար կօգտագործվի միայն էլեկտրականություն, դրա շնորհիվ կվերանա պայթելու վտանգը: Այն նաև չի աղտոտում մթնոլորտը»,- պատմել է Ալեքսանդր Ասրիյանը։

Գաուսի թնդանոթը կարելի է օգտագործել նաև անօդաչու թռչող սարքերն արագացնելու համար, սակայն նրա  ՕԳԳ-ն շատ ցածր է՝ մոտ 1 տոկոս:

«Տվյալներ կան, որ այս համակարգի առավելագույն ՕԳԳ-ն հասնում է մինչև 7 տոկոս: Ես իմ առաջ նպատակ էի դրել հնարավորինս մեծացնել այդ ցուցանիշը: Տարբեր մեթոդների կիրառմամբ ես ստացա 6, 7 տոկոս ՕԳԳ»,- ասել է նա:

Ալեքսանդրը ոչ միայն առաջինն է, որ Հայաստանում Գաուսի թնդանոթ է ստեղծել, այլ նաև առաջինն է աշխարհում, որ թնդանոթը ստեղծել է նման բարձր՝ 6,7 տոկոս ՕԳԳ-ով:

«Մեկ տարի առաջ ուսուցիչս խոսեց Գաուսի թնդանոթի մասին: Նա սկզբում չհավատաց, որ կարող եմ սարքել: Ասաց՝ եթե սարքես, տարեկան գնահատականդ 10 եմ նշանակելու: Ասում էր՝ գիտես, թե ովքեր են փորձել ու չի ստացվել: Ու ես սարքեցի»,- պատմեց Ալեքսանդրն ու հավելեց՝ ամբողջը պատրաստել է տանը, մեկ ամսում: Պատրաստման գործընթացն էլ բավականին վտանգավոր է: Ընտանիքի անդամներն ու ընկերները սկզբում չեն իմացել, թե ինչ ուղղությամբ է աշխատում Ալեքսանդրը: «Ընտանիքի անդամներն ասում էին՝ ինչով ես զբաղված, գնա խնդիրներդ լուծիր: Հետո արդեն տեսան արդյունքը»,- պատմել է նա:

Գաուսի թնդանոթը ստեղծելով՝ Ալեքսանդրը նպատակ է ունեցել արագացնել անօդաչու թռչող սարքերը: Անօդաչու թռչող սարքերը նա համարում է մեր ապագան: «Դրանց միջոցով կարելի է նաև ուտելիք առաքել, իհարկե, նաև կիրառել ռազմական նպատակներով»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Անցիր մուգ կողմ. Google-ը նոր ֆոն է ավելացրել իր հավելվածում
Ի դեպ, մուգ ֆոնը միայն հետաքրքիր դիզայներական լուծում չէ...
Իտալացիները հետաքննում են Google-ի գործունեությունը
Հակամենաշնորհային կառույցի մասնագետները կասկածում են, որ ինտերնետ հսկան չարաշահում է գերիշխող դիրքը խելացի սարքերի օպերացիոն համակարգերի շուկայում...
Այսօր Հեռահաղորդակցության եւ տեղեկատվական հասարակության համաշխարհային օրն է
Տոնի նպատակն է նպաստել տեղեկացվածության մակարդակի բարձրացմանը այն հնարավորությունների մասին…
Google թարգմանիչը կկարողանա նմանակել օգտատիրոջ խոսքը
Ընդ որում թարգմանված խոսքը կհնչի խոսողի ձայնով, սակայն դեռ մի փոքր «ռոբոտոացված» կլինի...
Ռոբոտները մարդկանց կզրկեն միլիոնավոր աշխատատեղերից
«Արդյունաբերական ոլորտում աշխատատեղերը, որոնք փոխարինվել են մեքենաներով, այլեւս չեն վերադառնա»…
Գերմանական ընկերությունն անօդաչու օդային տաքսի է փորձարկել
Օդային տաքսին էլեկտրական սխեմա է օգտագործում...