ՀՀ երրորդ նախագահ, Հայաստանի Հանարպետական կուսակցության նախագահ Սերժ Սարգսյանը մասնակցելու է ընտրություններին: Այս մասին, այսօր՝ դեկտեմբերի 9-ին, քվեարկությունից հետո լրագրողների հետ զրույցում նշեց ՀՀԿ ցուցակը գլխավորող, ՀՀԿ առաջին փոխնախագահ Վիգեն Սարգսյանը:
«Վստահ եմ։ Ինքն ակտիվ քաղաքացի է և վստահ եմ՝ կմասնակցի», - ասաց Վիգեն Սարգսյանը։
Անդրադառնալով քարոզարշավին, նա նշեց, որ ինքը չէ, որ պետք է գնահատի քարոզարշավը. «Կարծում եմ՝ հանրությունը հնարավորություն ունեցավ լսելու մեր դիրքորոշումները, կարծիքները: Հույս ունեմ, որ քվեարկության օրը կանցնի հանգիստ, հաշվարկը ձայների կանցնի թափանցիկ եւ առավոտյան կանթնանաք երկրում, որտեղ արդյունքները բոլորի համար ընդունելի կլինեն: Եթե տեսնենք բողոքարկելու հիմքեր, իհարկե, կբողոքարկենք»,-ասաց նա: