Ես քվեարկել եմ հանուն մեր երկրի ապագայի եւ հանուն այն բանի, որ ժողովրդի ակնկալիքներն արդարանան, որոնք կապում է այս ընտրությունների հետ: Դեկտեմբերի 9-ին քվեարկությունից հետո լրագրողների հետ զրույցում այս մասին ասաց Արմեն Ռուստամյանը, որը գլխավորում է արտահերթ խորհրդարանական ընտրություններին մասնակցող ՀՅԴ նախընտրական ցուցակը:
Նրա խոսքով՝ ինքը քվեարկել է նաեւ հանուն նրա, որ ժողովուրդը չհիասթափվի, հանուն նրա, որ քաղաքացիներն ունենան այն Հայաստանը, որի մասին երազում են:
«Ես քվեարկել եմ հայի ոգու համար: Սակայն աննախադեպ քիչ ժամանակ էր հատկացվել: Սա կապված է նաեւ այն հանգամանքի հետ, որ մենք առաջին անգամ ենք անցկացնում արտահերթ խորհրդարանական ընտրություններ: Մենք շատ բան կուզենայինք ասել, բայց լայն զանգվածների հետ աշխատելով՝ մեզ, այնուամենայնիվ, հաջողվեց հանրությանը հասցնել մեր մոտեցումները, այս ընտրությունների հետ կապված առավել կարեւոր դրույթներն ու դիրքորոշումը»,- ասաց Արմեն Ռուստամյանը: