Ժամը 05.55-ի դրությամբ՝ Կենտրոնական ընտրական հանձնաժողովը մշակել է քվեաթերթիկների գրեթե 94 տոկոսը (2010 տեղամասերից 1904 ընտրական տեղամասերի տվյալներ)։
Ըստ այդմ՝ 70,44 տոկոսով (827644 ձայն) առաջատարը «Իմ քայլը» դաշինքն է։ Երկրորդ տեղում ձայների 8,35 տոկոսով (98159 ձայն) «Բարգավաճ Հայաստան» կուսակցությունն է։
Երրորդում տեղում «Լուսավոր Հայաստան» կուսակցությունն է ձայների 6,38 տոկոսով (74929 ձայն)։
Մյուս քաղաքական ուժերը 7-րդ գումարման Ազգային ժողով չեն անցնի։ Անցողիկ շեմը հաղթահարելուն առավել մոտ է Հայաստանի Հանրապետական կուսակցությունը, որը չորրորդ հորիզոնականում է ձայների 4,57 տոկոսով (53739 ձայն)։
Ձայները մյուս ուժերի միջեւ բաշխվել են հետեւյալ կերպ՝
Հայ Հեղափոխական Դաշնակցությունը՝ 3,93 տոկոս (46184),
«Մենք» դաշինք՝ 2,02 տոկոս (23724),
«Սասնա ծռեր»՝ 1,79 տոկոս (21045),
«Օրինաց երկիր»՝ 1 տոկոս (11789),
«Քաղաքացու որոշում»՝ 0,67 տոկոս (7853),
«Քրիստոնեա-ժողովրդական վերածնունդ»՝ 0,51 տոկոս (5983),
«Ազգային առաջընթաց»՝ 0,33 տոկոս (3862)։