Ցեղասպանությունների կանխումն ամենօրյա մշտական աշխատանք է: Երեւանում ընթացող «Ընդդեմ ցեղասպանություն հանցագործության» գլոբալ գիտաժողովում մասնակիցներին հղած տեսաուղերձում այս մասին ասաց ԵԽ մարդու իրավունքների հարցերով հանձնակատար Դունյա Միյատովիչը:
Միյատովիչը հիշեցրեց, որ Երկրորդ աշխարհամարտից հետո երկրները որոշեցին մեղավորներին պատասխանատվության կանչել: Սա անդրադարձավ այդ թվում նաեւ Ցեղասպանություն հանցագործության կանխման եւ դրա համար պատժելու մասին կոնվենցիայի ընդունման վրա: «Սակայն տարիների ընթացքում չհաջողվեց ապահովել փաստաթղթի իրականացումը: Ցեղասպանությունները շարունակվում են, տեղի է ունենում մարդկանց կանխամտածված ոչնչացում, եւ այս ամենը համաշխարհային հանրության աչքերի առաջ, իսկ մեղավորները չպատժված են մնում»,- նշեց Միյատովիչը:
«Ցեղասպանությունների կանխումն ամենօրյա աշխատանք է, չի կարելի սպասել առաջին զոհերին՝ գործել սկսելու համար»,- հիշեցրեց նա:
