Մոսկվան պատրաստ է Հայաստանի նոր կառավարության հետ կառուցողական երկխոսությանը, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է «ՌԻԱ Նովոստի»-ն:
«Մենք կառուցողական երկխոսության ենք տրամադրված Հայաստանի նոր խորհրդարանի եւ կառավարության հետ, որը շուտով կձեւավորվի, մեր երկրների միջեւ փոգործակցության ամրապնդման նպատակով, այդ թվում՝ ԵՏՄ-ի, ՀԱՊԿ-ի եւ ԱՊՀ-ի շրջանակում»,- հայտարարել է նա:
Հիշեցնենք, որ դեկտեմբերի 9-ին Հայաստանում տեղի ունեցան Ազգային ժողովի արտահերթ ընտրությունները: Վարչապետի պաշտոնակատար Նիկոլ Փաշինյանի «Իմ քայլը» դաշինքը ստացել է ձայների 70,45 տոկոսը, իսկ նախկին իշխող Հանրապետական կուսակցությունը չի հաղթահարել անցողիկ շեմը: