Սաուդյան արքայազն Մուհամմեդ բին Սալմանի մերձավորներն ակտիվ դերակատարություն են ունեցել սաուդցի լրագրող Ջամալ Խաշոգջիի սպանության գործում: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ նշելով, որ այս սպանությունը մի հարց է, որը չի կարելի անտեսել, փոխանցում է Andalo–ն։
Էրդողանը նշել է, որ քննությունը ուսումնասիրել է Խաշոգջիի սպանության գործով խոսակցությունների աուդիոձայնագրությունները։
Նրա խոսքով՝ Սաուդյան Արաբիայի գլխավոր դատախազը Ստամբուլում բանակցությունների ժամանակ փորձել է միայն ձգձգել քննությունը. «Սաուդյան Արաբիայի գլխավոր դատախազը ոչ մի տեղեկություն չի տրամադրել, միաժամանակ թուրքական դատախազությունից ստացել է անհրաժեշտ բոլոր տեղեկությունները»,–ասել է Էրդողանը։
Էրդողանը վստահություն է հայտնել, որ կհաղթի։ Նրա խոսքով՝ դրա վկայություն է ԱՄՆ սենատի կողմից ընդունված որոշումը։
Նախօրեին ամերիկացի սենտորները միաձայն կողմ են քվեարկել բանաձեւի օգտին, որով Խաշոգջիի սպանության պատասխանատվությունը դրվում է Սաուդյան գահաժառանգ Մուհամեդ բին Սալմանի վրա։ Բանաձեւի հեղինակները պնդում են, որ Էր Ռիադը պատասխանատվության ենթարկի բոլոր նարնց, ովքեր ներգարվված են լրագրողի սպանության գործում։