Խորհրդարանում իրական հակակշիռ չլինելու պատճառով պետք է գործի արտախորհրդանական ընդդիմություն։ Այս մասին այսօր՝ դեկտեմբերի 17-ին լրագրողներին ասաց «Ազգային առաջընթաց» կուսակցության վարչության անդամ Լուսինե Հարոյանը։
«Այս իրավիճակում պարտադիր է արտախորհրդարանական ուժեղ ընդդիմությունը, որովհետեւ իրականում խորհրդարանում մեկ ուժ է ներկայացնում ժողովրդի շահերը, բայց այդ ուժը միայնակ է խորհրդարանում, որն իհարկե ճիշտ չէ։ Մենք շատ լավ գիտենք, որ ցանկացած ռացիոնալ ուժ, որը չունի հսկողություն, վերջիվերջո վերածվելու է բռնապետության։ Այսինքն՝ մենք շատ լուրջ խնդիր ունենք, մենք խորհրդարանում հակակշիռ չունենք փաստացի եւ այդ հակակշիռը հիմա պետք է գործի խորհրդարանից դուրս եւ դա պարտադիր է»,– ասաց Լուսինե Հարոյանը։
Նրա խոսքով՝ ապրի–մայիսին ժողովուրդը դուրս չէր եկել անձի հեղափձոխություն, կամ մի անձը մյուսով փոխելու համար. «Մենք դուրս էինք եկել նրա համար, որ վերջապես մենք ստեղծենք երկիր, իրավական երկիր, որտեղ անձով ոչինչ չի որոշվում, որտեղ ամեն ինչ որոշում է օրենքը, օրենքի գերակայություն է, իսկ ներկա խորհրդարանի ձեւավորված կազմով մենք ցավոք նման բան չենք կարող ասել»։