Զբոսաշրջության ոլորտում դրական հանգստություն է նկատվում: Այս մասին դեկտեմբերի 20-ին լրագրողների հետ հանդիպմանն ասաց զբոսաշրջության ոլորտի մասնագետ Հայկ Գրիգորյանը:
Նրա խոսքով՝ զբոսաշրջության ոլորտը այն քչերից է, որում կայունություն է նկատվում:
«2018 թ. զբոսաշրջության ոլորտում 2017-ի համեմատ աճ է նկատվում: Սա հիմնականում պայմանավորված է Հայաստանի ճանաչման հետ՝ վերջին տարիներին երկրում տեղի ունեցող կարեւոր իրադարձությունների ֆոնին, ինչպես նաեւ հեշտացված վիզային գործընթացներով», - նշեց նա:
Գրիգորյանն ընդգծեց, որ զբոսաշրջիկների հոսքն արդեն գերազանցել է տարեկան 1 մլն-ի սահմանը եւ պետք է ավելի լուրջ արդյունքների վրա կենտրոնանալ:
