Հայաստանի թավշյա հեղափոխությունն աշխարհում դրական արձագանք է ունեցել: Այսօր՝ դեկտեմբերի 26-ին մամուլի ասուլիսին, այս մասին ասաց Հայաստանի տնտեսական զարգացման եւ ներդրումների նախարարության Զբոսաշրջության պետական կոմիտեի նախագահ Հռիփսիմե Գրիգորյանը:
Նրա խոսքով՝ դա չէր կարող դրական ազդեցություն չունենալ զբոսաշրջային հոսքի վրա:
«2018-ի առաջին 9 ամիսներին 8,8 տոկոս աճ էր արձանագրվել: Երկրների առաջին հնգյակում, որտեղից զբոսաշրջիկների ամենամեծ հոսքն է գալիս, Ռուսաստանն է (ավելի քան 520 հազար),Վրաստանը (ավելի քան 220 հազար), Իրանը (ավելի քան 130 հազար), ԱՄՆ-ն (ավելի քան 46 հազար), Ուկրաինան (ավելի քան 24 հազար): Գրիգորյանը հավելեց, որ առավել դինամիկ աճ ունեցող երկրներն են Հնդկաստանը `131 տոկոս, Չինաստանը` 107 տոկոս, Ղազախստանը` 83 տոկոս:
«Սակայն զբոսաշրջության զարգացման եւ ներուժի իրականացման համար նոր իրավական կարգավորումներ են անհրաժեշտ:
Պետք է ավելի բարենպաստ ներդրումային մթնոլորտ ստեղծել», - նկատեց նա:
Պաշտոնյան հավելեց, որ բացի իրավական հարցերից, կարեւոր է նաեւ լուծել սահմանափակ ֆիզիկական հնարավորություններով մարդկանց համար զբոսաշրջային օբյեկտների հասանելիության խնդիրը:
Հռիփսիմե Գրիգորյանը տեղեկացրեց, որ Զբոսաշրջության պետկան կոմիտեն ակտիվորեն համագործակցում է միջազգային գործընկերների հետ, եւ իրականացման փուլում են Համաշխարհային բանկի կողմից ճանապարհների վերանորոգման եւ ենթակառուցվածքի զարգացման համար տրամադրված 55 մլն դոլարի չափով վարկը, ինչպես նաեւ 3,5 մլն դոլարի վարկը, որը ԵՄ-ի կողմից տրամադրվել է աշխարհում երկրի մարքեթինգի համար: