Սոմալիի կառավարությունը ՄԱԿ գերագույն դեսպանորդին հրամայել է երկիրը լքել՝ նրան մեղադրելով «երկրի ինքնիշխանությանը դիտավորյալ միջամտելու մեջ», փոխանցում է AFP-ն:
Այս մասին հայտարարվել է այն բանից հետո, երբ ՄԱԿ հատուկ դեսպանորդ Նիկոլաս Հեյսը մտահոգություն է հայտնել բողոքի ցույցերի ժամանակ Սոմալիի անվտանգության ծառայությունների գործողություններով, որոնց հետեւանքով մի քանի մարդ է զոհվել:
«ՄԱԿ գլխավոր քարտուղարի Սոմալիի հարցերով հատուկ ներկայացուցիչ Նիկոլաս Հեյսին Սոմալիում այլեւս չեն ողջունում, եւ նա չի կարող աշխատել այս երկրում»,- նշված է երկրի ԱԳՆ հայտարարության մեջ:
Սոմալիի իրավապահները ուժ էին կիրառել, որպեսզի դեկտեմբերի 13-15-ին Բայդոա քաղաքում ցուցարարներին կանգնեցնեն: Առնվազն 15 մարդ սպանվել է, 300-ը կալանավորվել: