Ավստրալիայի հյուսիս-արեւմուտքում առնվազն 22 մարդ է տուժել թունավոր մեդուզա «իրուկանջիի» այրվածքներից, հայտնում է ավստրալական SBS հեռուստաալիքը:
Հեռուստաալիքի տեղեկություններով՝ տուժածներին տեղափոխել են Քվինսլենդ նահանգի հիվանդանոց: Մեդուզաների այրվածքների հարցերով Խորհրդատվության ավստրալական ծառայությունը հայտնում է, որ տուժածների ընդհանուր թիվն ավելի քան 2 անգամ գերազանցում է 10 տարվա միջին ցուցանիշը:
Ըստ հեռուստաալիքի՝ նահանգի հարավարեւելյան ափի բնակիչները «իրուկանջիից» բացի, տուժել են մարդու համար վտանգավոր «պորտուգալական նավակ» սիֆոնոֆորի կամ «ֆիզալիայի» այրվածքներից: Դեկտեմբերի 1-ից մինչեւ հունվարի 7-ը բուժօգնության է դիմել ավելի քան 22,2 հազար մարդ:
«Իրուկանջի» մեդուզան քիչ հետազոտված տեսակ է: Մեդուզայի մարմնի չափը գետնընկույզից մի փոքր է մեծ, բայց նրա շոշափուկները կարող են մեկ մետր երկարության հասնել: Մեդուզային հպվելը ամբողջ մարմնում ուժեղ ցավ է առաջացնում, կծկող ցավեր, սրտխառնոց, բարձր ջերմություն եւ նյարդային խանգարումներ: