Porsche ընկերությունը ներկայացրել է նոր 911-րդ՝ 911 Cabriolet-ի բաց տարբերակը: Մոդելը հասանելի կլինի 2 մոդիֆիկացիայով՝ Carrera S եւ Carrera 4S՝ փափուկ տանիքով, սարքավորված է մագնիսական աղեղով, որը կկանխի մեծ արագությունների դեպքում փքվելը, եւ հիդրավլիկ հաղորդակով, փոխանցում է Motor-ը:
Հետինհաղորդակային Porsche 911 Carrera S Cabriolet-ը եւ լիահաղորդակային Carrera 4S-ը հագեցած են 3-լիտրանոց փչովի «օպոզիտով»՝ 450 ձիաուժ հզորությամբ: Տուփը նույնն է, ինչպիսին կուպեինն է՝ նոր 8-աստիճանի «ռոբոտ» 2 շղթայակցմամբ: Carrera S-ը մինչեւ «հարյուրյակը» արագությունը զարգացնում է 3,9 վայրկյանում (Sport Chrono փաթեթի հետ՝ 3,7 վայրկյանում), իսկ Carrera 4S-ի այս ցուցանիշը կազմում է 3,8 (3,6) վայրկյան: Առավելագույն արագությունն է համապատասխանաբար՝ ժամում 306 եւ 304 կիլոմետր:
Առաջին անգամ Porsche 911 կաբրիոլետի համար առաջարկվել են Porsche Active Suspension Management (PASM) ադապտիվ կախոցներ՝ կարճացված եւ ավելի ամուր զսպանակներով, ուժեղացված ստաբիլիզատորներով եւ 10 մմ-ով նվազեցված ճանապարհային լուսաշերտով: Դրանից բացի, 911 Cabriolet-ը ստացել է աշխատանքի «խոնավ» ռեժիմ, որը կառավարում է Wet Mode էլեկտրոնիկան, որում բացվում են օդային կափարիչներ՝ ավելի մեծ ճնշման ուժ ստեղծելու համար, փոխվում է շարժիչի աշխատանքի ալգորիթմը, իսկ Carrera 4S-ի դեպքում նաեւ լիահաղորդակի: Համակարգը վերլուծում է անիվների կամարներին ջրի հարվածի ինտենսիվությունը եւ կարող է վարորդին խորհուրդ տալ կարգավորումներում ակտիվացնել համապատասխան պրոֆիլը:
