Volkswagen ընկերությունը իր Twitter-յան էջում հրապարակել է հաջորդ սերնդի Passat սեդանի ամերիկյան տարբերակի թիզերային պատկերները, փոխանցում է Autonews-ը:
Ավտոմեքենայի հրապարակային պրեմիերան տեղի կունենա 2019 թվականի հունվարին Դեթրոյթի ավտոսրահում: Լուսանկարներից դատելով՝ նորույթը կունենա 19-դյույմանի անվասկավառակներ, ContiPro Continental անվադողեր: Motor1-ի տեղեկություններով՝ խոսքը նոր Passat-ի թոփային մոդիֆիկացիայի մասին է:
Նորույթի հիմքում դրված է նախորդի վերջնամշակված պլատֆորմը: Սպասվում է, որ մեքենայի դիզայնը կհիշեցնի չափերով մեծացված նոր սերնդի «Ջետան», որը Դեթրոյթում էր ներկայացվել այս տարեսկզբին:
Passat-ը կունենա արդիականացված 2-լիտրանոց 4-գլանանի բենզինային շարժիչ՝ նույն 176 ձ.ու. հզորությամբ (պտտման պահը կմեծանա 250 Նմ-ից մինչեւ 280 Նմ): Մեքենան կունենա նաեւ հիբրիդային մոդիֆիկացիա:
