Իրենց նպատակներին հասնելու համար հայրենական հասարակության որոշ խմբերի սպառազինության մեջ ընդգրկված փողոցներ փակելու մեթոդը սխալ է: Այսպիսի տեսակետ հայտնեց Հայաստանի առաջին օմբուդսմեն, «Ընդդեմ իրավական կամայականության» ՀԿ ղեկավար Լարիսա Ալավերդյանը՝ NEWS.am-ի հետ զրույցում մեկնաբանելով այն հանգամանքը, որ այս կամ այն խումբը (ի պաշտպանություն «Սասնա ծռերի» կամ ընդդեմ Մանվել Գրիգորյանի եւ այլն) պարբերաբար ճանապարհներ է փակում՝ իշխանություններից առաջ քաշած պահանջների կատարման հասնելով:
«Մենք նաեւ ապրիլին էինք ասում, որ մեթոդը սխալ է: Բայց այն ժամանակ այս մեթոդը գոնե բացատրվում էր ժողովրդական շարժմամբ: Իսկ հիմա ստացվում է, որ ցանկացած մարդ, կախված կարեւորությունից, որ նա տալիս է սեփական նպատակներին, պատրաստ է ճանապարհներ փակելու: Այսպես կստացվի ոչ թե ուղիղ ժողովրդավարություն, այլ ուղիղ անարխիա»,- շեշտեց իրավապաշտպանը: