Տեխասի բնակչուհին ընկերոջը գնդակահարել է, երբ փորձել է Snapchat-ի համար լուսանկար կատարել:
20-ամյա Օթեմն Կինգը կալանավորվել է 26-ամյա Էրիկ Չարլզ Ալենի չկանխամտածված սպանության մեղադրանքով, փոխանցում է Americaru-ն: Նա ընկերոջը պատահաբար սպանել է, երբ լուսանկարվել է՝ կեցվածք ընդունելով լիցքավորված հրացանով: Այդ ժամանակ զույգը տանն էր՝ երկու երեխաների հետ:
Հեռախոսով լուսանկարվելիս Կինգը հրացանով նշան է բռնել ուղիղ Ալլենի վրա, եւ երբ նա լուսանկարն արել է, աղջիկը պատահաբար սեղմել է ձգանը: Աղջիկը ցանկանում էր լուսանկարը կատարել Բոնիի եւ Քլայդի ոճով: Առաջին պահին նա մտածել է, թե Ալենը ձեւացնում է՝ գետնին տապալվելով: Սակայն պարզվել է, որ նա տեղում մահացել է:
