Գերմանական իշխանությունները ձերբակալել են «Տամիլյան վագրեր»-ի անդամին, ով կասկածվում է 2005թ․ Շրի Լանկայի արտգործնախարարի սպանության մեջ՝ տեղեկացնում է AP-ն։
Դաշնային դատախազությունը հայտարարել է, որ ոստիկանությունը հարավարեւմտյան Գերմանիայում ձերբակալել է 39-ամյա Նավանիթան Գ․-ին եւ խուզարկել նրա տունը։ Տղամարդը մեղադրվում է արտասահմանյան ահաբեկչական կազմակերպությանն անդամակցելու, սպանության եւ սպանության փորձի մեջ։
Կասկածյալը եղել է Շրի լանկայի ԱԳ նախարար Լակշման Կատիրկամարի սպանության եւ Ազգային դեմոկրատական կուսակցության առաջնորդ Իլամ Դեւանանդի սպանության փորձի մասնակից գաղտնի խմբի անդամ։
