«Ի պաշտպանւոթյուն Արցախի Հանրապետության» կազմկոմիտեի այսօր տարածած հայտարարության հեղինակները պնդում են վարչապետ Նիկոլ Փաշինյանի հետ հանդիպման մասին:
Ինչպես հունվարի 18-ին կայացած մամուլի ասուլիսում հայտարարեց «Հայաստանի դեմոկրատական կուսակցության» ղեկավար Արամ Սարգսյանը, ավելի քան 20 տասնամյակ առաջ ստեղծված կազմկոմիտեն անհրաժեշտ է համարել հանդես գալ հայտարարությամբ, քանի որ «որոշակի բանակցային գործընթաց է սկսվեց, եթե կարող ենք այդպես ասել, Հայաստանի, եւ Ադրբեջանի միջեւ: Արցախը բացակայում է, իսկ առանց նրա լուծումն անհնար է։
Արամ Սարգսյանի խոսքերով, հայկական կողմի առաջնահերթ նպատակը պետք է լինի միջազգային հանրությանը ներկայացնել այն փաստը, որ Արցախը ստեղծվել է միջազգային իրավունքի նորմերին համապատասխան եւ նրա անկախությունը չի կարող քննարկման առարկա լինել: «Չի կարելի կասկածի տակ դնել նրա կարգավիճակը: Ադրբեջանը մերժում է ստատուսի ճանաչման հետ կապված բոլոր առաջարկությունները: Նա ասում է `«մեր տարածքը» եւ լավագույն դեպքում առաջարկում է ինքնավարություն: Հայկական կողմը պարտավոր էր նախ միջազգային հանրությանը ներկայացնել Արցախի Հանրապետության ստեղծման լեգիտիմությունը հաստատող իրավական փաթեթ», - ընդգծել է Սարգսյանը: Նա տեղեկացրեց, որ կազմկոմիտեն առանձին ներկայացնելու է իրավական փաթեթ:
«Մեր մտահոգությունը կապված է այն փաստի հետ, որ մեզ անհասկանալի են Ադրբեջանում երջանիկ տրամադրությունների պատճառները: Այո, մենք խոսում ենք խաղաղ գործընթացի մասին: Բայց ինչպիսի՞ն է դրա մասին նրանց պատկերացումը։ Արդյոք քննարկվու՞մ է տարածքների հարցը: Մենք դեմ ենք «անվտանգության գոտի» տերմինին: Դրանք ազատագրված տարածքներ են, եւ սահմանադրորեն Արցախի մաս են կազմում: Այսինքն, այստեղ եւս զիջումների կարիք չկա», -նշեց Արամ Սարգսյանը` հավելելով, որ Նախիջեւանի հարցը եւս պետք է վերանայել: «Նոր իշխանություններն ունեն բոլոր հնարավորությունները` հրաժարվելու Մադրիդյան սկզբունքներից եւ առաջարկելու բանակցությունների համար հայկական օրակարգ: Մենք պետք է բացատրենք աշխարհին, թե ինչու է Արցախը հայկական հող: Պետք է Սկսել համանախագահների հետ եւ տարածել նոտայի տեսքով: Ալիեւը հստակ ներկայացնում է իր դիրքորոշումը` գրավել Երեւանը եւ այլն: Հայկական կողմը չունի նման հստակ դիրքորոշում: Սա շատ վտանգավոր է», - կարծում է քաղաքական գործիչը:
«Հայտարարությունը ստորագրել է 18 հոգի: Նրանք բոլորն էլ հայտնի դեմքեր են, որոնք ներկայացնում են հասարակական կազմակերպություններ: Եթե Փաշինյանը կհամաձայնի հանդիպել մեզ հետ, շատ լավ, մենք պատրաստ ենք կառուցողական համագործակցության: Եթե ոչ, մենք կշարունակենք 1990-ականների քաղաքականությունը», - նշեց Արամ Սարգսյանը:
