ՀՀ Վճռաբեկ դատարանը որոշում է կայացրել հօգուտ ՊՊԾ գնդի գրավման մեջ մեղադրվող Վարդան Գերավետյանի։ Այս մասին NEWS.am-ի հետ զրույցում ասաց նրա փաստաբան Դավիթ Գյուրջյանը։
«Վճռաբեկ դատարանը ճանաչել է Վարդան Գերավետյանի անձնական ազատության և արդար դատաքննության իրավունքի խախտումը` ըստ էության փաստելով, որ առնվազն 2017թ. հոկտեմբերից մինչև ազատ արձակումը Գերավետյանը անազատության մեջ է պահվել ապօրինի որոշման հիման վրա»,– ասաց փաստաբանը։
Փաստաբանը նշեց, որ իր պաշտպանյալի հետ քննարկելու են այս որոշումը եւ հնարավոր է հատուցում պահանջեն պետությունից՝ խախտված իրավունքի համար։
Նշենք, 2016 թվականին ՊՊԾ գնդի գրավմանը մասնակցած Վարդան Գերավետյանը մեղադրվում է պատանդ վերցնելու եւ պահելու, զենք կրելու եւ առանձնապես խոշոր չափի հափշտակություն կատարելու մեջ։ Վարդան Գերավետյանն այժմ ազատության մեջ է, նրա խափանման միջոցը փոխվել է, դատաքննությունը շարունակվում է։