Մեքսիկայում խողովակատարի պայթյունի հետեւանքով զոհերի թիվն աճել է՝ հասնելով մինչեւ 85 մարդու: Այս մասին հայտնել է երկրի առողջապահության նախարար Խորխե Ալկոսերը, փոխանցում է «ՌԻԱ Նովոստի»-ն:
Նրա խոսքով՝ դեռեւս հիվանդանոցներում են շարունակում մնալ 58 տուժածներ:
Իդալգո նահանգի Տուսպան-Տուլա խողովակատարում հզոր պայթյունն ու հրդեհը տեղի են ունեցել ուրբաթ երեկոյան, այն պահին, երբ հարյուրավոր մարդիկ վառելիք էին գողանում:
Մեքսիկայի Pemex պետական նավթային ընկերությունը պաշտոնապես հաստատել է, որ Իդալգո նահանգում խողովակատարի պայթյունը եղել է ապօրինի ներփորվածքների հետեւանքով: Մարդիկ եկել էին արտահոսքի կամ դիտավորյալ կատարած փորվածքի վայր կանիստրներով եւ բիդոններով, որոնք լցնելով էին զբաղված, երբ տեղի է ունեցել պայթյունը:
Մեքսիկայի նոր կառավարությունը տարեսկզբից իրականացնում է բենզինի հափշտակության դեմ պայքարի ռազմավարություն: Իշխանությունները դադարեցրել էին վառելիքի ներմղումը միանգամից մի քանի խողովակատարերով՝ պայքարելու համար ապօրինի ներփորվածքների դեմ, եւ անցել էին բենզինը հիմնականում ցիստերններով տեղափոխելուն:
Դրանից բացի, նավթամշակման բոլոր գործարաններին եւ համակարգի ռազմավարական օբյեկտներին փոխադրումն իրականացրել են զորքերը: Սա արդեն հանգեցրել է ավտոլցակայաններ մատակարարումների խափանումների եւ լցակայաններում բազմաժամյա հերթեր գոյացրել:
