Երկուշաբթիից իրանական Mahan Air ավիաընկերությանն արգելված է թռիչքներ իրականացնել Գերմանիա: Ճեպազրույցի ժամանակ այս մասին ասել է Գերմանիայի տրանսպորտի նախարարության ներկայացուցիչը, հաղորդում է «ՌԻԱ Նովոստին»:
«Քաղաքացիական ավիացիայի դաշնային գերատեսչությունը (Luftfahrtbundesamt) հունվարի 21-ից Mahan Air-ին տեղեկացրել է դեպի Գերմանիա եւ հակառակը չվերթների անհապաղ դադարեցման մասին: Դադարեցումը ուժի մեջ է մտնում նույն օրը, այսինքն՝ այսօր», - ասել է գերատեսչության ներկայացուցիչը:
Ճեպազրույցին ներկա Գերմանիայի ԱԳՆ ներկայացուցիչ Քրիստոֆեր Բուրգերի խոսքով՝ Բեռլինում շարունակում են աջակցել իրանական միջուկային համաձայնագրին, սակայն տարածաշրջանում Իրանի ապակայունացնող ակտիվությունը, ինչպես նաեւ բալիստիկ ծրագիրը, անընդունելի են»:
«Այդ իսկ պատճառով Գերմանիայի արտաքին քաղաքական շահերից է բխում երկրում արգելել այն ընկերությունների ավիահաղորդակցությունը, որոնք աջակցում են Սիրիայում հակամարտությանը, մասնակցում են համակամարտության շրջանում մարդկանց վիճակի վատթարացմանը- ասել է Բուրգերը: