News
Լրահոս
News
Երեքշաբթի
Մարտ 19
Տեսնել լրահոսը

Սամվել Մայրապետյանի գործով առողջապահության նախարարությունը համագործակցում է ՄԻԵԴ-ում Հայաստանի ներկայացուցչի, դատախազության եւ Հատուկ քննչական ծառայության հետ որն այդ գործը քննում է եւ իր մասնագիտական եզրակացությունը տրվել է այս մարմիններին: Այս մասին, այսօր՝ հունվարի 23-ին, ասուլիսի ժամանակ հայտարարեց առողջապահության նախարար Արսեն Թորոսյանը:

«Ես վստահ չեմ, որ հիմա կարող եմ բժշկական գաղտնիք բացահայտել, բայց այն դիրքորոշումը, որն հայտնում են քննչական մարմինները, ներառում է մեր դիրքորոշումը, հետեւաբար նրանց ասածը կարդալուց դուք կարող եք հաշվի առնել, որ մենք մեր կարծիքը տվել ենք իրենց: Ավելին չեմ կարող ասել, որովհետեւ բժշկական գաղտնի է պարունակում»,-հայտարարեց նախարարը:

Հարցին, թե այսինքն՝ Սամվել Մայրապետյանը կարո՞ղ է Հայաստանում տրանսլումինալ դրենավորման ենթարկվել, Արսեն Թորոսյանն արձագանքեց. «Իսկ դուք գիտե՞ք տրանսլումինալ դրենավորումն: Ես արդեն ասացի, որ մենք մեր դիրքորոշումը հայտնել ենք նրանց, ում անհրաժեշտ է եւ նրանց կողմից պատասխանները, հարցի լուծումները ներառում են նաեւ մեր դիրքորոշումը, որը հիմնված է մասնագետների կարծիքի վրա»:

Լրագրողների պնդմանը՝ Հայաստանում նշված բուժական մեթոդը երբվանի՞ց է կիրառվում, քանի որ մասնագետներն ասում են, որ այն մեր երկրում չի կիրառվում, Թորոսյանը պատասխանեց. «Իսկ դուք վստա՞հ եք, որ նրան այդ մեթոդն է ցուցված հիմա: Կրկնում եմ՝ մեր դիրքորոշումը հայտնվել է, քննչական մարմինները եւ դատախազությունը պատասխանելով ՄԻԵԴ-ին եւ փաստաբանական խմբին, հիմնվում են նաեւ մեր կարծիքի վրա»:

Ավելի վաղ NEWS.am-ը հայտնել էր, որ գործարար, Հ2 հեռուստաընկերության սեփականատեր Սամվել Մայրապետյանի նկատմամբ մեղադրանք է առաջադրվել ՀՀ քրեական օրենսգրքի 38-311 հոդվածի հատկանիշներով՝ «կաշառք ստանալուն օժանդակելը»: 30 մլն գրավի դիմաց նրա խափանման միջոցը փոխվել է, նա ազատ է արձակվել, սակայն անձնագիրը չեն վերադարձրել եւ նա չէր կարողանում բուժման մեկնել Գերմանիա:

Մայրապետյանը առողջական խնդիրները լուծելու համար դիմել էր Եվրոպական դատարան, խնդրել ՀՀ իշխանություններին պարտավորեցնել վերադարձնել իր անձնագիրը: ՄԻԵԴ-ը ՀՀ իշխանություններից պահանջել էր հնարավորություն ստեղծել, որ Մայրապետյանը կարողանա պատշաճ բուժում ստանալ:

ՀՀ դատախազությունն իր հերթին հայտարարել է, որ ՄԻԵԴ-ը Սամվել Մայրապետյանի իրավունքի խախտման փաստ չի արձանագրել:

!
Այս նյութը հասանելի է նաև   Русский
Տպել
Կարդացեք նաև
Ամբողջը
33-ամյա երիտասարդը ընտանեկան հարցերի շուրջ խանութում վիճաբանության ժամանակ դանակահարել է կնոջը
Մարտի 18-ին ՆԳՆ ոստիկանության Արարատի մարզի օպերատիվ կառավարման...
2023-ի քրեական վարույթներով վերականգնվել է ավելի քան 32 մլրդ 303 մլն դրամի վնաս. Դատախազության ամփոփումը
Դատախազության կոլեգիայի ընդլայնված նիստում ամփոփվել են 2023 թվականի աշխատանքները...
Ակնալիճ գյուղի արագաչափի մոտ բախվել են  «Hyundai»-ն և Opel-ը. վերջինս գլխիվայր շրջվել է. կա վիրավոր
Մարտի 19-ին, ժամը 09:14-ին Արմավիրի մարզային փրկարարական վարչության...
Սյունիքի մարզում 4 մարդու կյանք խլած ավտովթարի հանգամանքները պարզվում են քրեական վարույթի շրջանակներում. Աբրահամյան
Նշված ողբերգական դեպքի առթիվ Սյունիքի մարզային քննչական վարչության...
Չարենցավանի կամրջի մոտ բախվել են «Nissan»-ը և «Mercedes-Benz»-ը, 3 մարդ հոսպիտալացվել է
Մարտի 19-ին, ժամը 08:00-ին Կոտայքի մարզային փրկարարական վարչության...
Ճամբարակում տուն է փլուզվել. ներսում քաղաքացի է եղել. փրկարարները նրան պատուհանից դուրս են բերել
Մարտի 19-ին, ժամը 12:03-ին Գեղարքունիքի մարզային փրկարարական վարչության...
Ամենաշատ